olm. 1. soʻr. olm. Bir necha kishi yoki narsadan bittasini aniqlash uchun beriladigan soʻroqni ifodalaydi.
Otabek gangib, shoshib soʻradi: — Qaysi qiziga unashib keldingiz? — Qutidorning yolgʻiz qiziga! — dedi Hasanali. — A. Qodiriy, Oʻtgan kunlar
Qaymoqni bir yalab, qaysi shaharning qaymogʻi ekanini ayta olasizmi? Men darrov aytaman. — A. Qahhor, Ikki yorti — bir butun.
2. Kishi yoki narsa belgisi, xususiyati, sifati haqidagi soʻroqni ifodalaydi: qanday, qanaqa.
Ikkinchi ehtimol: Tulnorni olib qochganlar. Jinoyatchi chirkin qoʻllar bor! Ular kim? Qaysi maqsad bilan bu jinoyatni bajaradilar? Buni bilmaydi. — Oybek, Tanlangan asarlar
3. Bogʻlovchi soʻz (nisbiy soʻz) vazifasida qoʻllanadi.
Sen qaysi yoʻldan boshlasang, shu yoʻldan yuraman.
- Qaysi bir Qaysi bir kuni. Qaysi bir shaharda.Qaysi bir kovakda chumchuq bolalari chirqillaydi. — Oybek, Tanlangan asarlarbesh-olti yil burun qaysi bir idoraning izvoshini minar ekan — A. Qahhor, Qanotsiz chittak
- Qaysi kuni Bundan bir necha kun avval; tunov kuni. Qaysi kuni Xudoyqulning yangi koʻylak-ishtonda quvonchi ichiga sigʻmay yurganini koʻrib, koʻzlarimdan yosh chiqdi. — P. Tursun, OʻqituvchiQaysi kuni otasi, Ikkinchi terimga tushamiz, degandek boʻlib edi. — M. Ismoiliy, Fargʻona tong otguncha.