сфт.
1.
Бошқарувида, тасарруфида бўлган; бўйсунадиган.
Маданият вазирлигига қарашли муассасалар. Олий таълим вазирлигига қарашли ўқув юртлари.
Набиев марказ ёʻлланмаси билан бизнинг бошқармага қарашли янги очилган шахтага ўтган экан. — Ғайратий, Узоқдаги ёр
2.
Бирор ҳудудий бутунлик таркибига кирувчи, унинг таркибидаги.
Қўшни вилоятга қарашли ерлар.
Капсанчилар қишлоғига қарашли Қўғазор маҳалласида турувчи Муҳиддин Муҳаммадсолиҳ ўғли. — А. Қаҳҳор, Қўшчинор чироқлари
3.
Бирор гуруҳ, оила ва шу кабилар таркибидаги, унга оид.
Ўзимизга қарашли йигитлар, бирортасига айтамиз. — А. Қаҳҳор, Қўшчинор чироқлари
Унга қарашли икки муттаҳам йигит кеча кеч Салимнинг кўмаги билан қизни қулайгина ўғирлаб чиқди. — Ойбек, Танланган асарлар
4.
Муайян кимсаники бўлган, унга тегишли.
бу йил баҳорда устига янги шийпон қилинган эскигина бир уй Мирзакаримбойга қарашли бўлиб — Ойбек, Танланган асарлар
Чорвоқ даласи қадимда Мадамин билан Олахўжабойга қарашли эди. — П. Турсун, Ўқитувчи
5.
кам қўлл.
Тааллуқли, оид.
Мамажон ялқовнинг кундалик дафтарида турли йилларга қарашли бир неча саҳифаларни ялқовнинг ўз дастхати, ўз оғзи билан айтмоқчи бўламан. — Ғ. Ғулом, Тирилган мурда
