Поиск

sft. 1. Top-toza, pok.

Pokiza idish. Pokiza kiyim.

Ona tabiatimizni hamisha toza, pokiza saqlash haqida qaygʻurmogʻimiz lozim. — Sh. Rashidov, Yangi yer haqida soʻz

Buloq, suvi qanchalik begʻubor va pokiza. U togʻ boshidan ana shu sifatlari bilan pastga intiladi. — Yoshlik

Odam degan pokiza yurishi kerak. Toza yurgan odamning tabiati ravshan boʻladi. — S. Ahmad, Sud

2. koʻchma Halol, pok, toʻgʻri; sof, musaffo.

Olima [Xadicha Sulaymonova] hayotining oxiriga qadar xalq uchun pokiza vijdon bilan xizmat qildi. — Saodat

Oqkoʻngil, pokiza, halol oʻqituvchining yashash tarzi, fikrlash yoʻsini doimo barcha uchun maktab boʻlib kelgan. — Fan va turmush

Pokiza koʻngli bilan, baʼzan oʻta qattiq qahri, baʼzida juda yumshoq mehri bilan bogʻlab olgan. — S. Zunnunova, Olov

3. Ozodalikka qattiq rioya qiladigan, ozoda.

Pokiza ayol.

Karim aka nihoyatda pokiza, sodda edi. — Yoshlik

ot 1. Tozalik, poklik.

Kiyimning pokizaligi. Idish-tovoqning pokizaligi.

Avval [qishlogʻi] bozoriga borib, savdo-sotsh qilayotgan erkak-ayollarga ham hifzi sihat, pokizalikning foydasini qayta-qayta tushuntirar edi. — K. Yashin, Hamza

2. koʻchma Halollik, poklik, toʻgʻrilik.

Avvaliga yotsirash, begonalik uni qiynadi. Keyin esa Mirzoni odamlarning oʻsha baland togʻlarday ulugʻ qalbi, pokizaligi oʻziga rom qilib oldi. — Yoshlik

fl. Pokiza qilmoq, tozalamoq. Badanini pokizalamoq. Uyni pokizalamoq.

Yoʻngʻichqa [yangi koʻkargan beda.]

Issiqlik narsa ichki aʼzolarni meʼyorida tozalaydi siqib chiqarilgan selini yara-chaqaga surtilsa, pokizalaydi — Gazetadan

fl. Pokizalamoq feʼlining majhul nisbati.

sft. 1. Top-toza, nihoyatda toza, ozoda.

Pok-pokiza husndek Tun-kun xayolimdasan. — S. Akbariy

2. koʻchma Sof vijdoniy, halol, musaffo.

Oʻqituvchi! U pok-pokiza tuygʻularga toʻla qalb meʼmori. — Saodat