Qidiruv

sft. 1. Bukilib, ezilib yoki sinib ichiga botgan; abjagʻi chiqqan; majaq.

Pachaq chelak. Mashinaning qanoti urilib pachaq boʻlibdi.

Yigit uzoqda haybatli temir uyumlari singari agʻanab yotgan pachaq parovozlarga tikildi. — Oybek, Quyosh qoraymas

U [samovarchi] ustaning qoʻliga tusha-tusha xoʻp ezilgan, qorni pachaq, chirkin katta samovarning oldida yogʻoch yelkasini qisib oʻtirardi. — Oybek, Tanlangan asarlar

2. Siniq, singan.

Pachaq tuxum.

3. Uringan, ezilgan.

Pachaq olma.

4. koʻchma Yaxshi oʻsmay, rivojlanmay, mayda boʻlib qolgan; reza, ushoq.

Pachaq bola. Pachaq oʻsimlik.

Havas qilib kelgan Burgutim har kuni koʻrib yurgan oddiy kishilarday, jussasi ham, yuzi ham, qarashlari ham oddiy, pachaq bir yigit boʻlib chiqdi. — S. Ahmad, Choʻl burguti

ot Nihoyat darajada yomon, rasvo (ish, ahvol haqida).

[Shokir ota] Yolgʻiz oʻzi emas, balki butun ahli kosibning ahvoli pachava ekanini ochib tashladi. — Oybek, Tanlangan asarlar

fl. 1. Pachaq qilmoq, majaq qilmoq, ezmoq.

Bola tuxumni pachaqladi.

2. koʻchma Tor-mor qilmoq, abjagʻini chiqarmoq.

Dushman armiyasini pachaqlamoq.

Pachaqlaymiz qirib, qoʻrqinch yov bu, Shaharga oʻt qoʻyuvchi zoʻr olov bu. — Habibiy, Devon

Butun yulduzlaringni tosh qilib ot, Pachaqlab yerga ur, chalpak qilib qot. — Habibiy, Devon

fl. Pachaqlamoq feʼlining majhul nisbati.

Butunlay mayda-mayda, pora-pora boʻlgan, pachagʻi, abjagʻi chiqqan.

Tarelka toshga urilib pachaq-pachaq boʻldi.

Shashvar toʻqmoq bilan boshiga urdim, boshi pachaq-pachaq boʻlib ketdi. — Ertaklar

fl. Bekorga tortishmoq, bahslashmoq, adi-badi aytishmoq, gap talashmoq.

Sohib qori betgachopar Begimxon bilan pachakilashib oʻtirgisi kelmay, tashqariga chiqa boshlagan edi, Begimxon uni etagidan sudrab, yana ayvonga olib chiqdi. — I. Rahim, Chin muhabbat

— Sen boshingni koʻtar, mishiqilar bilan pachakilashma, — deydi Turgʻunali. — A. Muxtor, Kumush tola