Қидирув

от 1. Эшик, дарвоза чорчўпининг остки кўндаланг ёғочи; бинога, ҳовлига кираверишдаги ерга кўн-даланг ётқизилган ёғоч, тахта, харсанг ва шу кабилар; бўсаға.

Баланд остона. Уй остонаси. Кўча эшик остонаси.

Эшик қаттиқ тепки билан очилди-ю, остонада чувалчангдай чувак., бир киши пайдо бўлди. — М. Исмоилий, Фарғона тонг отгунча

Аҳмад бригадир Нусратбекни янги дарвоза остонасида кўриши биланоқ аҳволи руҳиясини тушунди. — С. Нуров, Майсаларни аёз урмайди

2. кўчма Уй, хонадон, даргоҳ.

— Шу ер туфайли бизлар сенинг остонангга бош эгиб, қуллуқ қилиб келдик, — деди Ойимхон. — П. Турсун, Ўқитувчи

Санъат шундай буюк даргоҳки, унинг остонасига қадам қўйдингми, орқага чиқишнинг имкони ёʻқ. — Саодат

3. кўчма Қишлоқ ёки шаҳарга кираверишдаги жой, бўсаға.

Искандар Хўжанд остонасида қаттиқ талафот кўрган. — Мирмуҳсин, Темур Малик

Чекинган душман қишлоқ остонасидаги тепаликка чиқиб олиб, қаршилик кўрсата бошлади. — Н. Сафаров, Комиссар Қорабоев

4. кўчма Бирор воқеа ёки ҳодисанинг бошланишига яқин қолган пайт; арафа.

Ҳали эсини танимаган, ўт-олов бола шу ерда балоғат остонасига етди. — С. Аҳмад, Қадрдон далалар

Юртим, сени яна қутлаб қўяйин, Қутлуғ Янги йилнинг остонасида. — А. Орипов, Йиллар армони

5. геогр. Дарё остидаги, баъзан сувдан чиқиб кўриниб турадиган ва сув оқимини тезлаштириб, кемалар қатновини қийинлаштирадиган баландроқ жой, дўнглик.

от Остона шаҳрида яшовчи шахс.

(ёки бошланғич даража) - бу инсон самарали ташкил этиш учун муҳим аҳамият касб этадиган, лекин муайян сабабларга кўра у билан боғланмаган инсоннинг умумий билими, мотивлари, хусусиятлари, ўзини кўра билиши ва ижтимоий роли, малакалари

от Майин қўй жунидан саржали ўрилиш усулида тўқилган, костюмбоп ва палтобоп газлама.

Бостон костюм.

Одми кўйлак, тринка нимча қаёқда-ю, янги тўқ бинафшаранг бостон костюм қаёқда. — С. Анорбоев, Меҳр

от 1. ад. Назм билан ёзилган улкан ҳикоя, қисса; поема.

Навоийнинг Лайли ва Мажнун достони.

Достон устида жиддий ишлай бошладим. — Шукрулло, Сайланма

Мактаб дарсликларида унинг Кўкан батрак достонини алоҳида дарс қилиб ўқитишган эди. С. — Аҳмад, Уфқ

Бир ўлкаки, дунёда бироқ Битилмаган достондир бори. — А. Орипов, Юртим шамоли

2. ад. Халқ қаҳрамонлари ҳақида назм ва насрда айтилган эпик асар.

Ўзбек халқ достонлари. Фозил Ёʻлдошнинг Атомиш

достони.

3. кўчма Кечмиш воқеалар; саргузашт; дард-у ҳасрат.

Қўш сурнайлар узоқларнинг достонини мунгли-мунгли чалиб ўтдилар. — Ғ. Ғулом, Соялар

Э, ака қўйинг, достонимни очманг — Ҳамза

Бугун занг кемирган тиғлар шуъласи, Асрлар достони бордир уларда. — А. Шер, Қадимги куй

4. Оғиздан оғизга ўтиб юрган маълум, машҳур саргузашт ҳикоялар, гап-сўзлар, таъриф-тавсифлар.

Эл ғамини билган элда достон. — Мақол

Келиннинг сулувлиги Марғилонда маълум эканми? — Малум экан, тилларда достон экан. — А. Қодирий, Ўтган кунлар

Тошкент тинчлик, дўстлик, ҳам-корлик шаҳри сифатида тилларда достон. — Саодат

5. кўчма Овоз, хониш; сайраш.

Чака-лакнинг аллақайси бурчагидан булбулнинг достони — нағмайи ҳазори эшитилди. А. — Қодирий, Ғирвонлик Маллавой

6. Достон (эркаклар исми).

от Кичик босма машинаси (Америкадаги Бостон шаҳри номидан).