Қидирув

от 1. Бир-бирига уланган, уйғунлашган ёқимли товушлар оқими.

Ариқдан майин оҳанг билан сув оқар. — Ойбек, Олтин водийдан шабадалар

2. Турли товушларнинг маълум бир тартибда уйғунлашиб, мусиқий бутунлик ташкил этган бирикмасидан иборат мусиқа асари; куй.

Бу ашуланинг оҳанги жуда яхши экан!

Буларнинг [шеърларнинг] ҳаммаси деярли газетада босилар, баъзиларини болалар оҳангга солиб, саҳналарда ашула қилиб айтар эдилар. — А. Қаҳҳор, Сароб

3. Нутқда маънога қараб овознинг кўтарилиши ва пасайиши; интонация.

Буйруқ оҳанги, Сўроқ оҳанги. Тинч (босиқ) оҳангда сўзламоқ.

У

вақтларда мен шеърларнинг маъносини тўла тушунмасам ҳам, уларнинг ўқишдаги оҳанги мени завқлантирарди. — С. Айний, Эсдаликлар

Зиёдахон баъзи жумлаларни маъносига мос келмайдиган оҳангда ўқиб, тингловчиларга уқтира олмагани учун, ҳикоянинг давомини Иброҳимовнинг ўзи ўқиди. — А. Қаҳҳор, Қўшчинор чироқлари

4. Сўзловчининг ички ҳис-туйғуларини ифодалайдиган талаффуз услуби.

Аразлаган оҳангда сўзламоқ. Йиғламсираган оҳангда гапирмоқ.

Ойша хола қалбдан силқиб чиққан меҳрибон бир оҳангда гапирди. — С. Зуннунова, Кўк чироқлар

Гулнор тўғрисида сўзлаганда, товушига сирли оҳанг берди. — Ойбек, Танланган асарлар

Кечир демоқчисиз, — деди Инобат майин, аламли оҳанг билан. — Х. Тўхтабоев, Фелетондан сўнг

5. кўчма кам қўлл. Нарсаларнинг ўзаро қўшилишидаги мослик, уйғунлик.

Бўёқларнинг нафис оҳанги бениҳоят нозик товланар эди. — Ойбек, Навоий

сфт. Маълум бир оҳанг ёки куйга эга, маълум бир оҳанг, куй билан ифодаланадиган, чалинадиган, айтиладиган; оҳангдор.

Бир турли, бир оҳангли нафис, мусиқавий товушлар кишининг борлиқ вужудига, қон томирларига ажойиб бир ўзгариш берган эдилар. — А. Қодирий, Ўтган кунлар

сфт. 1. Қулоққа ёқадиган, хуш келадиган, ҳузур бағишлайдиган; ёқимли, мусиқий; оҳанги яхши.

Оҳангдор мусиқа.

Алла! Дунёдаги энг содда, энг соф, энг оҳанг-дор, эрка туйғули она қўшиғи. — Саодат

Гуландом оҳангдор, жарангли овоз билан сўзлади. — Ойбек, Танланган асарлар

2. Маълум оҳангга эга бўлган, маълум оҳанг билан талаффуз қилинадиган; оҳангли, жарангли.

Оҳангдор шеър.

Ўткир оҳангдор товушдан сесканганда, юк машинаси дарҳол ўзини ёʻл четига олиб, ўтавер, дегандек дуддудлади. — С. Нуров, Нарвон

Соқолли кампир бир қўлини Нурининг бошига енгил қўйиб, баланд., товуш билан худди куйлагандек, сўзларни оҳангдор чўзиб қичқирди. — Ойбек, Танланган асарлар

Ahangaran

от 1. Айтилиши ўхшаш, талаффуздаги оҳанги бир хил.

Оҳангдош номлар. Оҳангдош сўзлар.

2. Маълум оҳангга, куйга мос тушган, мос келадиган.

Оҳангдош ашулалар.

3. кўчма Бир-бирига мос, уйғун, ҳамоҳанг.

Оҳангдош бўёқлар.

сфт. айн. Оҳанрабо.