сфт. 1. Ов қилинадиган қуш ва ҳайвонлар сероб жой.
Тирикчилигини шикордан топадиган ҳар бир овчи шикор учун овлоққа ёлғиз бир ўқ билан чиқсин. — Фан ва турмуш
2. Марказдан узоқ, чет жой; кимсасиз ер.
Овлоқда яшамоқ.
Тошкентнинг шундай биқинида етти ухлаб тушга кирмайдиган ажойиб овлоқ жойлар борлиги ҳаммани ҳайратга солар эди. — М. Мансуров, Ёмби
Жўралари билан шу овлоқ оролчада ўтказган бахтиёр кунлари ёдига тушди. — А. Кўчимов, Ҳалқа
3. Пастқам, хилват жой, одамдан холи жой; пастқамлик, хилват.
Севаргул то онаси овлоқ кўчанинг муюлишида кўздан пана бўлгунча қараб турди. — Н. Қиличев, Чиғириқ
Кимёхон икки-уч кун Азизахоннинг ёʻлини пойлади, ниҳоят, овлоқроқ бир жойда учрашди ҳам. — Н. Аминов, Қаҳқаҳа
Уларни одамлар нигоҳидан на қуюқ боғлар, на тун зулмати, на бирон овлоқ гўша яшира олади. — О. Мухтор, Бухоролик бир йигит
4. рвш. шв. Кишилардан холи; танҳо.
Ойжамол овлоқ ўтирган пайтда қизига гап ташлаб кўрди. — Ёдгор
- Овлоқда юрмоқ Четда юрмоқ, жамоатдан ёки ишдан ўзини олиб қочмоқ. Иакрам] Касаба ташкилотидан овлоқроқ юришга ҳаракат қиларди. — С. Анорбоев, Оқсой