fl. 1. Muayyan bir holatda oʻrniga moslab qoʻymoq, joylamoq, oʻrnashtirmoq.
Yoʻlchi shamni qizning tepasidagi tokchaga oʻrnatdi. — Oybek, Tanlangan asarlar
Ahmadjon chakalakzordan oʻtib, pulemyotni snaryaddan hosil boʻlgan bir chuqur boʻyiga oʻrnatdi. — A. Qahhor, Oltin yulduz
2. Bunyod qilmoq, yasamoq, qurmoq.
Haykal oʻrnatmoq. Stend oʻrnatmoq. Maydon oʻrtasiga monument oʻrnatmoq.
Ikkinchi jahon urushida halok boʻlganlar xotirasiga yodgorlik oʻrnatish rasm boʻldi. — Gazetadan
3. Biror holatni yuzaga keltirmoq, joriy qilmoq.
Tinchlik oʻrnatmoq. Intizom oʻrnatmoq.
Gʻulomjon dastlabki kundan tortib maktabda qattiq tartib oʻrnatdi. — M. Ismoiliy,Fargʻona tong otguncha
Axir, adolatni qon toʻkmay oʻrnatsa boʻlmaydimi? — K. Yashin, Hamza
4. Ishga, oʻqishga va shu kabilarga kiritmoq, joylashtirib qoʻymoq.
Mana, Qodirov nomiga yozilgan xat, sizni ishga oʻrnatib qoʻyadi. — Sh. Rashidov, Boʻrondan kuchli