Қидирув

от 1. Мусиқали-драматик санъат жанри ва шу руҳдаги саҳна асари.

Гулсара операси.

Кўпчилик ижодкорлар юбилейга муносиб туҳфалар тайёрлаш учун драма, мусиқали драма, опера, вокал-хореографик симфония, сюита ва бошқа саҳна асарлари яратишмоқда. — Газетадан

Санъатга иштиёқи баланд Малика Маматова у вақтларда ҳали опера нималигини билмайдиган содда қиз эди. — Газетадан

2. Шундай асар ижро этиладиган театр.

Бугун операда Майсаранинг иши қўйилади. Ўзбек давлат опера ва балет театри.

Мамлакатимизда ўша йилларда драма, опера давлат театрлари очилди. — Газетадан

сфт. 1. Ҳарбий операцияга оид, ҳарбий операция билан боғлиқ бўлган.

Оператив карта. Оператив маълумот.

2. Топшириқни ёки ўз вазифасини тез ва амалий ҳал этадиган, бажарадиган.

Оператив гуруҳ. Милиция бўлимининг оператив вакили.

Шошилинч оператив группа тузилиб, Тошкент-Қарши ёʻлларига ҳушёр туриш топширилди. — С. Аҳмад, Юлдуз

3. Тезлик, зудлик билан амалга ошириладиган, тез қўлланадиган; тез, ишчан, амалий.

Оператив чоралар. Оператив ишламоқ. Масалани оператив ҳал қилмоқ.

от 1. махс. Мураккаб механизмлар ишини пулт ёрдамида бошқариб турадиган мутахассис.

Машиналарни бошқариш оператордан зийраклик, чаққонлик ҳамда муайян малакани талаб қилади. — Фан ва турмуш

Бу ерда ўқувчиларга чуқурлаштирилган билим бериш билан бирга ЭҲМ оператори, иш юритувчи мутахассислиги бўйича ҳам диплом берилади. — Газетадан

2. Кино-, теле- ҳамда видеофилмни суратга олувчи.

Филм оператори.

Азизхоннинг бояги қанор кўтаришини кинога олган хроника операторлари асбоб-ускуналарни елкага ортиб қайтишаётган эди. — С. Аҳмад, Уфқ

3. Компютерларда ахборотларни қайта ишлашда маълум мақсадда дастур тузиш кўрсатмаси.

4. мат. Икки тўплам элементларининг ўзаро мос келишини ифодалайдиган математик тушунча.

Квант механикада оператор билан муҳим амаллар бажарилади. — Ўзме

сфт. Бошқаришга алоқадор (компютер технологияларида).

Операцион тизим.

от 1. Баъзи касалликларни даволаш мақсадида касалланган жойни жарроҳлик ёʻли билан ёриш, кесиш, тикиш.

Кўз операцияси. Операция столи.

У врачларнинг таклифини кутмай, операция хонаси ёнига ўзи чиқиб турди. — Т. Ашуров, Оқ от

2. Бирор мақсадни кўзлаб ёки бирор оператив ёки стратегик вазифани бажариш учун ягона режа бўйича ва келишилган вақтда олиб бориладиган жанг ҳаракатлари мажмуи.

Жанговар операция. Операция картаси.

Маёр Мақсуд Солиев ярим тунда операцияни якунлаб, уч ойдан бери изма-из қувиб келаётган жиноятчини қўлга олгач, уйга қайтган эди. — Ёшлик

Ҳар кун актив операциялар олиб борилди: Варшава ёʻлларига пистирмалар қўйилди, миналар кўмилди. — И. Раҳим, Чин муҳаббат

3. Савдо, молия, почта, саноат, компютер, суғурта ва бошқалар билан боғлиқ вазифаларни бажаришга қаратилган фаолият ёки хатти-ҳаракат.

Банк операциялари.

Бугунги кунда 6 минг кичик ва хусусий кор-хона ҳисоб-китоб рақамида ҳеч қандай операция амалга оширилмаган. — Газетадан

4. Технологик жараённинг бир иш жойида бажариладиган алоҳида бир қисми.

Деталга сайқал бериш операцияси. Битта трансформатор ишлаб чиқариш учун қанчадан-қанча операция бажарилади.

от Оператив хусусиятга эгалик; тезлик, амалийлик.

Оперативлик кўрсатмоқ. Оперативлик билан иш қилмоқ.

Тошкентдан беш-олти минг километр нарида кечаётган шахмат воқеалари газетамиз саҳифаларида оперативлик билан ёритиб борилаётгани мухлисларни жуда қувонтирмоқда. — Газетадан