ot
1.
Olgʻa yoki orqaga, oʻng yoki soʻlga oyoq tashlab qilingan harakat; qadam.
Koʻchaning burilishida yana bir oz uning [Otabekning] odimlari sekinlashsa ham, lekin oldinlashni qoʻymay boraverdi. — A. Qodiriy, Oʻtgan kunlar
2.
Bir qadam oraligʻidagi masofa; shu masofaga teng oʻlchov birligi.
Bir odim. Oramiz ikki odimcha keladi.
Boyning darvozasidan yigirma odim naridagi eski, kichkina eshik kishining gʻashini keltiruvchi tovush chiqarib ochiladi. — Oybek, Tanlangan asarlar
3.
koʻchma
Oʻsish, rivojlanish surʼati.
Qayta qurishning odimlari tobora shiddatkor boʻlib boryapti. — Gazetadan
4.
koʻchma
Harakat, qadam olish, yurish-turish.
Uning odimi bejo!
- Odim olmoq Yura boshlamoq, yurishda, qadam tashlashda davom etmoq.
Birga odim oldik choʻqqilar sari. — T. Toʻla.
- Odim otmoq (yoki tashlamoq) 1. Qadam tashlab oldinga yurib bormoq.
Barchinoy langarni mahkam ushlab, ohista odim otgan kuyi, tobora ilgarilayverdi. Odamlar uning har bir qadamini hadikli bir hayrat bilan kuzatishardi. — N. Qilichev, ChigʻiriqIstiqbol sari ishonch bilan odim tashlamoq.
- Odim qoʻymoq 1. Qadam bosmoq, yurmoq.
Bola odim qoʻyib ketyapti;Yu. Gagarin tarixda birinchi boʻlib kosmosga odim qoʻydi.
- Odimini boʻshashtirmoq Yurishini sekinlashtirmoq, sekinlashmoq.
Yoʻl boshlovchi parvoyi falak, barxan oshib, ilgarilab borardi. Xuddi jon kerak boʻlsa, yetib olsin deganday, odimini boʻshashtirmaydi. — M. Mansurov, Yombi
- Odimini tezlatmoq Yurishini tezlatmoq, tezroq yurmoq.
- Bir odim Yaqin, bir qadam.
Boshqalar uchun uzoq, juda uzoq tuyulgan rayon markazi uning uchun bir odim — na qish izgʻirinini biladi, na saraton jaziramasini. — N. Norqulov, Toʻqnashuv
- Odimda, odim joyda (yoki sayin) Har qadamda (tez-tez uchrab turadigan narsa haqida).
Odimda choyxona.[Otabek va Ali] Odim sayin bir oʻlikka uchrar edilar. — A. Qodiriy, Oʻtgan kunlar
- Odimni sanab bosmoq 1. Sekin, imillab yurmoq;
[Otabek] Odimini sanab bosish, bir choʻqib sakkiz yoqqa qarash kabi ehtiyotliklarga oʻrganib qolgan. — A. Qodiriy, Oʻtgan kunlar
