от 1. Фарзандли, бола-чақали эр киши (ўз болаларига нисбатан).
Ота бўлмай, ота қадрини билмас. — Мақол
отамисиз, нимасиз ахир, ўғлингизни тийиб олиш сира эсингизга келадими? — А. Қодирий, Ўтган кунлар
Тожиддиннинг отаси ҳам кампирининг ўлимидан кейин кўп ўтмай вафот этган эди. — С. Зуннунова, Олов
2. Ёши катта кишиларга мурожаат қилишда ёки уларни ҳурматлаш учун ишлатилади.
Оталар сўзи — ақлнинг кўзи. — Мақол
Юнусали ота қаёққа боришни билмай, ҳардамхаёл бўлиб тургандан кейин идора тарафга ёʻл олди. — С. Аҳмад, Уфқ
Қоратой Ўрозни дарров Шокир отага юборди. — Ойбек, Танланган асарлар
3. Ўғил болани эркалатиш учун ишлатилади.
4. кўчма Бирор иш ёки ҳаракатни бошлаб берган, унга асос солган киши ҳақида.
Абдулла Қодирий ўзбек романчилигининг отасидир. Жуковский рус авиациясининг отасидир.
5. кўчма Меҳрибон бошлиқ, раҳнамо ҳақида.
У [Михаил Маркович] колхозчиларга ота бўлди, ғамхўрлик қилди, иш ўргатди. — Ойдин, Мардлик — мангулик
6. Эл-юртга бошчилик қилувчи, ёши ёки мансаби улуғ зот ҳақида
[Ёрмат:] Тайёрлан, қизим, Сенга юрт отаси, элликбошимиз гапирадилар. — Ойбек, Танланган асарлар
- Ота касб Ота шуғулланган касб (фарзандга нисбатан). Бешиксозлик Раҳим акага ота касб. — СаодатКатта бўлгач, ҳаммоллик менга ҳам ота касб бўлиб қолади. — П. Турсун, Ўқитувчи
- Ота юрт (ёки макон) Ота туғилган, ўсиб-улғайиб яшаган жой. Нусратбекнинг ота юртида илгари ҳам саратонда, икки-уч йилда шундай бир шамол эсиб, палакларни ағдариб кетарди. — С. Нуров, Майсаларни аёз урмайдиБир зумгина чайқалиб олди Ота макон — қирларим, чўллар. — С. Саййид.
- Отаси Сал ўтмай, ҳовлига Салимжоннинг қайнотаси савлат тўкиб кириб келди. — Газетадан
- Бор отангга, бор онангга Сансалорликни ифодалаш учун ишлатилади.
- Ота гўри қозихонами?
- Отангга раҳмат Кимсадан мамнун эканликни ифодаловчи олқиш ибораси.
- Отанг яхши, онанг яхши қилиб Ялиниб-ёлвориб; олқаб-мақтаб.