Qidiruv

ot 1. Birin-ketin sodir boʻladigan voqea-hodisalar, bajariladigan ishlar tartibi; gal.

Tegirmon navbati bilan. — Maqol

UzR Oliy Majlisining navbatdan tashqari sessiyalari.

2. Qatorda ishgʻol etilgan oʻrin; gal.

Navbat olmoq. Navbat kutmoq. Erga navbat — sherga navbat. — Maqol

Toʻlamat moʻylov Nigora tomonga koʻz qirini tashlab, Sherbekning qulogʻiga shivirlaydi: — Endi, ukam, Suvonning toʻyidan keyin navbat seniki. — S. Anorboyev, Oqsoy

Ravshan tushlikda shoʻrvaga navbat oldi. Sheriklari tandirdan yangi uzilgan somsani stolga uyib Ravshanni kutib turishdi. — Yoshlik

3. Almashinib bajariladigan ish; navbatchilik. smena.

Lastochkin batalon shtabida postda turardi. Navbati tugagach, kim bilandir gaplashib qoldi. — I. Rahim, Chin muhabbat

4. Maʼlum bosqich; bajarilgan ishning maʼlum qismi, boʻlagi.

Urganch broyler fermasining birinchi navbatini foydalanishga topshirish toʻgʻrisidagi hujjat imzolandi. — Yoshlik

5. (“bu”“shu”“har”“bir”kabi s. bshtn) Marta, gal.

Bir navbat.

ot 1. Biror ishni boshqalar bilan navbatlashib bajaruvchi; oʻz navbati kelganda, shunday ishni bajarayotgan shaxs.

Sinf navbatchisi.

Ular ishini navbatchiga topshirib kelgan traktorchilar bilan issiq salomlashgach, Pogodinning kichik kabinetiga kirdilar. — Sh. Rashidov, Boʻrondan kuchli

2. Postda turgan soqchi; qorovul.

Tunlari har hovli eshigida oʻsha yerda yashovchilardan navbatchilar tayinlanadi — begona kirmasin. — Shuhrat, Shinelli yillar

Koridorga kirganimizda, navbatchi ayol divanda mudrab oʻtirgan ekan, bizni koʻrib hayron boʻldi. — U. Usmonov, Sirli sohil

3. Maʼlum bir vazifani bajarish uchun navbatda turgan (vosita, transport).

Surishtirsam, navbatchi avtobuslar ham allaqachon ketib boʻlgan ekan. Oʻ. — Umarbekov, Yoshlik koʻchalari

sft. 1. Navbatda turgan, birinchi navbatda qilinishi lozim boʻlgan; galdagi.

Navbatdagi masalalar. Navbatdagi vazifalar.

Navbatdagi chopiqqa odam ketishidan uch kun burun, kechki payt ikkita hamshira kelib, allanimaga qarshi hammaga ukol qildi. — A. Qahhor, Qoʻshchinor chiroqlari

2. Qatorda turgan, qatorda maʼlum oʻrin olgan.

Navbatdagi odamlar.

Navbatdagi soʻz oʻrtoq Rahmatovga. Oʻrtoq Hakimova tayyorlansin. — A. Qahhor, Munofiq

ot Navbatlashib bajariladigan ish, navbatlashib bajarish; navbatchi vazifasi.

Navbatchilikka oʻtmoq. Navbatchilik qilmoq.

Shu kechasiyoq otani kasalxonaga olib borib yotqizishdi, uchovlari uning boshida oʻtirib, navbatchilik qilishdi. — S. Anorboyev, Oqsoy

Umuman, Shoira navbatchilik qilmagan kun kom boʻlardi. — Oʻ. Hoshimov, Nur borki, soya bor

fl. Navbatlamoq feʼlining majhul nisbati.

fl. Biror ishni boshqalar bilan navbatma-navbat, galma-gal bajarmoq.

Navbatlashib ishlamoq. Navbatlashib ashula aytishmoq.

Yigit yugurib borib, oʻtovlarning biridan qimiz olib keldi. Ochil buva, Azimjon, shofyor navbatlashib ikki kosadan shimirdilar. — A. Muxtor, Chinor.