сфт. 1. Тартибли равишда узлуксиз давом этадиган, канда бўлмайдиган; муттасил.
Самолётларнинг мунтазам қатнови.
Тирик ҳужайра ташқи муҳит билан мунтазам алоқада бўлган тақдирдагина яшай олади. — Фан ва турмуш
2. Белгиланган тартибда, режа асосида амалга ошадиган.
Халқ хўжалигининг мунтазам ривожланиши.
Илғор ишчилар кунлик режа топшириқларининг мунтазам ортиғи билан бажарилишига эришаётирлар. — Газетадан
3. Тартибли, доимий равишда амалга ошадиган ёки ошириладиган; тартибли, доимий, изчил.
Йигитлар машғулотларга мунтазам қатнашарди — Ўзбекистон қўриқлари
4. мат. Ҳамма томонлари, ёқлари ва бурчаклари тенг.
Мунтазам кўпбурчак. Мунтазам призма.
- Мунтазам армия (ёки қўшин) Қатъий ҳарбий тартибга эга бўлган, режали ҳарбий тайёргарлик кўриб борувчи доимий армия (қўшин). Мунтазам қўшиндан ажраб, заифлашиб қолган Бухоро сон-саноқсиз кўчманчилар томонидан босиб олинди. — М. Осим, Ибн Сино қиссаси