Поиск

ot 1. Aql, fikrlash bilan tushuniladigan, mantiqiy mundarija; boshqa belgi bilan ifodalangan ichki mundarija.

Kitobning mazmuni. Xatning mazmuni.

Qayin otang menga bir xat yozibdir, oʻqib-oʻqib, mazmuniga tushunolmay hayron boʻlaman. — A. Qodiriy, Oʻtgan kunlar

2. Ish-harakat, voqea-hodisa va shu kabilarni belgilovchi asos, mohiyat.

Boshqa barcha tinchliksevar xalqlar singari, tinchlik va ijodiy mehnat xitoyliklarning ham hayot mazmuni, ijod manbaidir. — T. Joʻrayev, Ulugʻ Xitoyda

kishilarimiz qilayotgan ishlar va koʻzlayotgan rejalar matbuotimizning asosiy mazmunini tashkil etadi. — Gazetadan

Bu ishlarni shunchaki davom ettiribgina qolmay, uni yangi mazmun bilan boyitamiz — Oʻzbekiston qoʻriqlari

3. fls. Biror hodisaning mohiyatini belgilovchi, narsalarni aynan shu narsa sifatida ifodalovchi muhim element va oʻzgarishlarning yigʻindisi, asosi.

Shakl va mazmun birligi.

adv apparently, by all appearances, evidently, it seems (appears) that, seemingly

1. Mazmuniga koʻra, mazmun nuqtai nazaridan, mazmun jihatidan.

Hikoyatda, avvalo, shaklan moʻjazlik va mazmunan soddalik koʻzga tashlansa. — OʻTA.

2. ayn. Mazmuni.

[Tojiboy Xolisxonga:] Akangiz bir-ikki marta bir oy-yarim oy yoʻq boʻlib, mazmunan, axtardi shekilli, topolmay keldi. Hamza, — Paranji sirlari

Sheʼriy bitik yozilgan marmartosh oldida uch-toʻrt usta kuymalanar, mazmunan, bitikni qay yoʻsinda qirib boshlashni maslahat qilishardi. — S. Siyoyev, Yorugʻlik

sft. ayn. Mazmundor.

Oʻqituvchi ham darsni maroqli va mazmunli oʻtishi uchun barcha imkoniyatlardan foydalanishi kerak. — Gazetadan

a kit. semantic, notional

sft. Mazmunli, mazmuni yaxshi; sermazmun.

Mazmundor suhbat.

Mirtemir sheʼriyatining tili jozibali, boy va mazmundor — OʻTA

Hayotimiz benihoya mazmundor va goʻzaldir. — Gazetadan