sft. 1. Tartibli ravishda uzluksiz davom etadigan, kanda boʻlmaydigan; muttasil.
Samolyotlarning muntazam qatnovi.
Tirik hujayra tashqi muhit bilan muntazam aloqada boʻlgan taqdirdagina yashay oladi. — Fan va turmush
2. Belgilangan tartibda, reja asosida amalga oshadigan.
Xalq xoʻjaligining muntazam rivojlanishi.
Ilgʻor ishchilar kunlik reja topshiriqlarining muntazam ortigʻi bilan bajarilishiga erishayotirlar. — Gazetadan
3. Tartibli, doimiy ravishda amalga oshadigan yoki oshiriladigan; tartibli, doimiy, izchil.
Yigitlar mashgʻulotlarga muntazam qatnashardi — Oʻzbekiston qoʻriqlari
4. mat. Hamma tomonlari, yoqlari va burchaklari teng.
Muntazam koʻpburchak. Muntazam prizma.
- Muntazam armiya (yoki qoʻshin) Qatʼiy harbiy tartibga ega boʻlgan, rejali harbiy tayyorgarlik koʻrib boruvchi doimiy armiya (qoʻshin). Muntazam qoʻshindan ajrab, zaiflashib qolgan Buxoro son-sanoqsiz koʻchmanchilar tomonidan bosib olindi. — M. Osim, Ibn Sino qissasi