Qidiruv

ot Portlatuvchi yoki yondiruvchi snaryad.

Atom bombasi. Vodorod bombasi. Bomba tashlamoq.

Mabodo atom bombasini bir yelkamga, vodorod bombasini bir yelkamga osib qoʻyib, shu Sotimxoʻjaga tegmasang, hozir portlatvoraman desa, portlatvor-e, jonim rohat oladi, derdim. — S. Ahmad, Saylanma

ot Daryo, soy, suv havzasi yoqalariga tuproq, tosh, shagʻal, beton va shu kabilardan koʻtarilgan toʻsiq, koʻtarma.

Boʻron zaptiga olgan paytlarda kanal suvi tuproqdan qilingan dambalarni oʻpirib yuborgudek vahima solgan edi. — Sh. Rashidov, Boʻrondan kuchli

minglab kishilar suvning yoʻlini toʻsish maqsadida gʻovlar va dambalar qurdilar. — Fan va turmush

ot 1. Qoʻylarning ket tomonida son bilan bel oʻrtasida oʻsgan, asosan dumaloq shaklda koʻrinuvchi yogʻ qismi.

Semiz qoʻyning dumbasi katta, Semiz odamning — suhbati. — Maqol

Yolgʻiz qoʻyni haydash nuqul azob. Boʻynidan surgayman —

yoʻq, dumbasiga arqon solib tortaman — yoʻq. — Oybek, Tanlangan asarlar

Raʼno tomorqada dumbasi serkillagan, jingalak yungli qoʻzichoqlarga maysa yulib berayotgan edi. — H. Nazir, Soʻnmas chaqmoqlar

2. Qoʻy tanasining shunday qismidan chiqqan yogʻ.

Dumba toʻgʻramoq. Dumba eritmoq. Uzoqdagi dumbadan yaqindagi oʻpka yaxshi. — Maqol

Qaynonaning maslahati bilan dokaga dumba oʻrab, chaqaloqqa soʻrdirishdi. — Mirmuhsin, Jaholat panjasi

Mamat qassob ogʻrinibgina yarim kilodan oshiq dumbani taroziga tashladi. — Yoshlik

3. Odam tanasining son bilan bel oʻrtasidagi yumshoq orqa qismi.

Kimdir skameykaga gazeta solib oʻtirgan ekan, dumbasining izi tushib qopti. — X. Toʻxtaboyev, Shirin qovunlar mamlakati

ot 1. ayn. Shompol.

Erkinjon kichik usta, Stanokda birpasda Behi shoxidan atay Silliq qilib sumbaday, Buviga qilar hassa. — Q. Muhammadiy, Odam-olam qoʻshigʻi

Seshanbaliklarning qurollari eski tarzda yasalgan miltiqlar boʻlib, oʻq va dorilari ogʻzidan solinar va sumba bilan joylanardi. — S. Ayniy, Esdaliklar

2. tex. Teshik teshish yoki belgi solish uchun xizmat qiladigan, uchi nayza poʻlat asbob.

ot Eshikni bekitish uchun uning orqasidan tiralgan yoki tiraladigan taxta, yogʻoch va shu kabilar

Eshikka tamba qoʻymoq.

Zulfizar katta darvoza tomon otildi. Tambasini olib tashlab, oʻzini qalishzor qoʻyniga urdi. — K. Yashin, Hamza

ot 1. ayn. Tumbochka.

Gulni tumba ustidagi sopol guldonga solib qoʻyib, Usmonning bosh tarafiga ogʻir choʻkdi. — Sharq yulduzi

2. Gʻoʻlaga oʻxshash narsa; kursi, ustuncha.

[Toʻla] Vagon orqasiga yugurib oʻtdi-yu, lip etib tumbaga chiqib oldi. Tramvayning yurib ketayotganidan ham, tumbaga osilib yurish xavfli ekanidan ham qoʻrqmadi. — M. Ismoiliy, Bizning roman