Изоҳли луғат
· яна 5 та луғатда
от 1. Кучли таъсир натижасида юз берадиган қаттиқ титраш, қаттиқ силкиниш; титроқ.
Тўхтовсиз ва қаттиқ отишмалардан ер-у осмон ларзада.
Мурувватли, сахий, дилкаш, дилбар ер, Гумбурлаб силкиндинг, бағрингда ларза. — Ғ, Ғулом
2. кўчма Қаттиқ безовталик, безовта қилувчи нарса, ҳолат.
Самарқандда Бобурни тилдан қолдирган касаллик — ғоят кучли бир руҳий ларзанинг оқибати эди. — П. Қодиров, Юлдузли тунлар
- Ларзага солмоқ (ёки келтирмоқ) 1. Қаттиқ силкитмоқ, титратмоқ. Танклар ерни ларзага солиб яқинлашмоқда эди. — О. Ёқубов, ИзлайманТоғнинг ҳар бурчаги ва ёнбағридан акс садо келиб, дарани ларзага келтирди. — С. Айний, ДохундаКўпларнинг хаёли дунёни ларзага солган темурийлар салтанатининг буюк тождорига қарши, ўз ўлимини билгани ҳолда тиғ кўтарган кимсада эди. — Мирмуҳсин, МеъморБу даҳшат Абдуллани қаттиқ ларзага солди. — Ҳ. Шамс, Душман