фл. 1. Гавдани тик, ғоз тутмоқ.
Баланд бўйли, қирра бурун, келишган ва ҳар доим яхши кийиниб, кеккайиброқ юрадиган бу чиройли қоратўри йигит ўша, Фотимага ошиқ бўлиб юрган бўйдоқ ўқитувчи Каримов эди. — П. Турсун, Ўқитувчи
2. кўчма Ўзини ҳаммадан юқори тутмоқ, гердаймоқ, мағрурланмоқ.
Кеккайганга кеккайгин бошинг кўкка етгунча. — Матал
Камтар бўлинг, мағрур бўлманг, кеккайманг, Бир кун хижолатдан сиз қилманг аттанг. — Ҳабибий
Бир-биридан такаббур, бир-биридан кеккайган бойваччаларнинг олдига бу отда боришни ўзига эп кўрмай, дам жўнашга қарор қилар, дам яна айнар эди. — Ойбек, Танланган асарлар