Qidiruv

1. Koʻchish paytida tashiladigan uy-roʻzgʻor buyumlaridan iborat yuk

Bir mashina koʻch

Amatjon bir aravaga kelin-ku-yovning koʻchini ortib, darhol yoʻlga chiqdi — S. Siyoyev, Avaz

Koʻchlarni yigʻishtir! Aravani qoʻsh! Quvaga joʻnagaymiz! — P. Qodirov, Yulduzli tunlar

2. Koʻch koʻtarmoq Roʻzgʻori bilan, oʻziga tegishli narsa-buyumlar bilan boshqa joyga koʻchmoq, ketmoq

Saodat turmush oʻrtogʻi bilan koʻchini koʻtarib, koʻp joylarda boʻldi — Nazarmat, Joʻrlar baland sayraydi

Lobar koʻchini koʻtarib ketganiga yigirma kuncha boʻldi — H. Gʻulom, Toshkentliklar

fl. 1. Yashash joyidan ketmoq, boshqa yashash joyiga oʻtmoq.

Olovni kovlasang — oʻchar, qoʻshnini kovlasang — koʻchar. — Maqol

U [Nuri] Yormat oilasining boqqa koʻchib ketganini eshitib, afsus qildi. — Oybek, Tanlangan asarlar

Bu yerdan hech qachon koʻchmayman, sen ham koʻchmaysan. — Sh. Rashidov, Boʻrondan kuchli

2. Umuman, oʻrni, manzili va shu kabilardan boshqasiga oʻtmoq, jilmoq, ketmoq.

Bu yil qizim beshinchi sinfga koʻchadi.

Ana, qoqdi qanotin bulbul, Kelib qoʻndi chiroyli gulga. Shoxdan-shoxga koʻchadi nuqul, Kuyi rohat berar koʻngilga. — I. Muslim.

Kuz kirib, ularning uchrashuvlari ishxonaga koʻchgan dastlabki kunlar — Yoshlik

3. koʻchma Mavzuni, harakatni, yashash yoki ishlash tarzini oʻzgartirmoq, boshqasiga oʻtmoq.

Xadicha xolaning bas, qiynama degan mazmunda koʻz qisishini koʻrib, boshqa gapga koʻchdi. — A. Qahhor, Qoʻshchinor chiroqlari

4. Yopishgan, birikkan joyidan ajramoq.

Uning [masjidning] baland va siri koʻchib ketgan eski ustunlik ayvonida uch-toʻrt namozxon oʻtirishibdi. — P. Tursun, Oʻqituvchi

Ovoz lampochkasining ostidagi qoʻrgʻoshinlar koʻchib ketibdi, yangidan yoʻpishtirdi. — T. Ashurov, Oq ot

ot 1. Aholi yashaydigan joylarda yoʻlovchilar oʻtib turadigan, transport qatnaydigan yoʻl.

Navoiy koʻchasi. Sobir Rahimov koʻchasi.

Chinnigul koʻchaning bir tomonidan, ensizgina asfalt trotuardan shoshmasdan borar edi. — S. Zunnunova, Koʻk chiroqlar

Toʻxta xola koʻchada uzoqdan birin-ketin kelayotgan ikki kishining qorasini koʻrdi. — I. Rahim, Chin muhabbat

Yor yurgan koʻchalarni supuray sochim bilan. — Qoʻshiqlar

2. Umuman, yoʻl.

Hali majlis, hali hammom qurilishi, hali koʻchaga shagʻal yotqizish deydi. — Guldasta

Qir koʻchadan tushguncha surnay ovozi chiqmadi. — S. Siyoyev, Yorugʻlik

3. Yashash, turish joyidan tashqari boʻlgan joy, ochiq maydon (uy, hovliga nisbatan).

Uyida rohati yoʻqning koʻchada farogʻati yoʻq. — Maqol

Oshing halol boʻlsa, koʻchada ich. — Maqol

Qishning oxirgi kunlari koʻchada qora sovuq bilan izgʻirin yurar edi. — A. Qodiriy, Mehrobdan chayon

Ibn Yamin bir kuni koʻchadan horib-tolib, tajang boʻlib keldi-da xotini bilan aytishib qoldi. — K. Yashin, Hamza

ot 1. Urugʻ yoki qalamchadan oʻsib chiqqan yoki oʻstirilgan va boshqa joyga olib oʻtqaziladigan nihol.

Olma koʻchati. Tut koʻchati. Rayhon koʻchati. Pomidor koʻchati. Atirgul koʻchati. Koʻchat oʻtqazmoq.

Mana shu anjirning koʻchatini [raisimiz] Oqqoʻrgʻondan oldirib keldi. — A. Qahhor, Kartina

Bu oyning yana bir goʻzal fazilatlaridan biri shuki, bu davrda kuzgi koʻchat oʻtqazish qizgʻin pallaga kiradi. — Gazetadan

[Anvar] Bolalarning daragi bilan har kimning uyida boʻlgan yangi gullardan koʻchat va urugʻ olib, yildan-yilga gulzorni boyitdi. — A. Qodiriy, Mehrobdan chayon

2. Umuman, yosh nihol.

Koʻm-koʻk gʻoʻza koʻchatlari, oftobda yoyilgan tamaki barglaridek, orqama-orqa tizilishib turardi. — Gazetadan

ot ad. Badiiy ifodalilikni oshirish uchun koʻchma maʼnoda qoʻllangan nutq birligi; kinoya, ramz bilan qoʻllangan soʻz, ibora.

ot Tosh, tuproq, qor va shu kabilarning togʻdan koʻchib, nurab tushadigan uyumi.

Muz koʻchkisi. Togʻ koʻchkisi. Qor koʻchkisi.

[Mirzakamoliddin] Oʻsha dovonda koʻchki tagida qolib oʻlgan emish. — S. Ahmad, Qadrdon dalalar

U [Xolxoʻja] maqsadiga erisha olmaydi — yoʻlda koʻchki ostida bosilib, halok boʻladi. — Yo. Shukurov, Qasos

Suv va koʻchkilardan ihota qilish uchun xarsanglardan uyib yasalgan peshtoq buzilgan ekan. — S. Karomatov, Oltin qum