Поиск

ot Odatdagi meʼyorda koʻrish yoki koʻzni himoya qilish uchun taqiladigan, ikkita shisha koʻz oʻrnatilgan maxsus asbob; oynak.

Saqlagich koʻzoynak. Koʻzoynak tutmoq.

Koʻzoynak tutib olib, sandalning bir chetida allanarsa yamab oʻtirgan Xosiyat buvi Adolatni koʻrib hayron boʻldi. — S. Zunnunova, Gulxan

U qora koʻzoynagini olmay, koʻkragini gʻoz qilib oʻtirardi. — F. Musajonov, Himmat

sft. Koʻzoynak taqqan, koʻzoynagi bor.

Koʻzoynakli kishi,

Abdishukur manglayi tirishgan, koʻzoynakli oriqqina kishi. — Oybek, Tanlangan asarlar

Kadrlar boʻlimidagi koʻzoynakli chol hujjatlaring chala ekan, deb xarxasha qildi. — S. Siyoyev, Yorugʻlik