сфт. 1. Кўнгилга ёқадиган, хуш келадиган; ёқимли.
Кўнгилли манзара.
Бу ерда мева-чева кўп, дарахтма-дарахт тирмашиб, ёввойи узум ейишдан ҳам кўнгилли нарса борми? — Ҳ. Аҳмар, Ким ҳақ?
Бу сўлим масканларда шанба ва якшанба кунлари сайр-у саёҳат қилган ҳамшаҳарларимиз кўнгилли дам олади, яхши ҳордиқ чиқаради. — Газетадан
2. Кишиларнинг ўз истаги, хоҳиши билан қилинган, тузилган.
Кўнгилли армия. Кўнгилли аскарлар.
Бўтабой партизан отрядига кўнгилли бўлиб ёзилди. — С. Аҳмад, Ҳукм
3. от взф. Бирор ишга ёки гуруҳга ўзи истаб, ўз хоҳиши билан кирган ёки уюшган киши(лар).
Канал қурилишига 50 минг кўнгилли етиб келди. — Ўзбекистон қўриқлари