Қидирув

от 1. Сутканинг қоронғи тушгандан тонг отгунча ўтадиган қисми; тун.

Ойдин кеча. Қоронғи кеча,

— Ойимни бир ойдан бери кўрганим ёʻқ. Бир кеча ёнида ётишни орзу қиламан, — деди енгилланиб Нури. — Ойбек, Танланган асарлар

Сидиқжон ёʻлга тушиш нияти борлигини айтмаса ҳам, чол бу кеча шу ерда қолишни, эрта саҳар ёʻлга чиқишни маслаҳат берди. — А. Қаҳҳор, Қўшчинор чироқлари

2. Бирор нарсага бағишланган, одатда расмий ва бадиий қисмдан иборат бўладиган кечки умумий йиғилиш.

Меҳмонлар билан вакилларнинг қизғин табриклари, хайрли тилакларидан кейин кечанинг расмий қисми тугади. — П. Турсун, Ўқитувчи

Кеча охирида Ўзбекистон санъат усталари катта консерт қўйиб беришди. — Газетадан

3. Бугундан олдинги кун.

Кеча сизни кутган эдим.

Кеча эрталаб, шаҳарни бир айланиб келайин, деб чиқиб кетган. — А. Қодирий, Ўтган кунлар

сфт. 1. Бугундан олдинги кунда юз берган, маълум бўлган; олдинги кунга оид, кеча бўлган.

Газетанинг кечаги сони. Кечаги воқеа.

Бугун эрталабки чойдан сўнг Ҳасанали кечаги фикрни чинлаб амалга оширмоқчи бўлди. — А. Қодирий, Ўтган кунлар

Бироқ кечаги ёмғирдан чангбосди бўлган арава ёʻлда келаётган уч ёʻловчининг қовоқлари негадир солиқ, одимлари негадир ишончсиз эди. — Н. Фозилов, Дийдор

2. Яқин ўтган вақтдаги, ҳозирдан олдинги.

Ҳар бирининг кечаги ўтмишини эслаб кўрайлик-чи: бири — бойнинг подачиси, бири — руҳонийнинг Ҳаммалари кулфатга дучор бўлган болалар эди. — П. Турсун

Кечаги чўлқувар Мирзажон Эминов масъулиятли вазифага кўрсатилди. — Ўзбекистон қўриқлари

1. Сутканинг қоронғи тушгандан тонг отгунча бўлган қисми; кеча, тун.

Қиш кунлари кечаси узоқ, кундузи қисқа бўлади. Янги йилга ўтар кечаси. Кечаси билан Кор ёғди.

Бийрон тилдан сўз оқар равон: Ада, нега кечаси узоқ? — Ё, Мирзо

2. рвш. Сутканинг кеча, қоронғи қисмида; тунда.

[Ўрмонжон:] Яхши ухлаб турдингми, кечаси келсам, ухлаб қолган экансан. — А. Қаҳҳор, Қўшчинор чироқлари

Кечалари; кечаси.

от Кечаси бўладиган; кечасига, тунга оид.

Тўғри, дада! Куйни эртароқ сўйиб, саранжом қилганингиз яхши. Кечалик иш қурсин. — Ойбек, Танланган асарлар

[Тожибой:] Ундан кейин, шунча машаққатларнинг устига, бир кечалик бир машаққатни ҳам устингизга оласиз. — Ҳамза, Паранжи сирлари

от Кечаси ва кундузи, кечаси ҳам, кундузи ҳам; ҳамиша, доимо; узлуксиз равишда; тинмай.

Кеча-ю кундуз ишламоқ. Кеча-ю кундуз хаёлим сизда.

Шакаржон ака кеча-ю кундуз ишлаб, тандир ясар, баъзан ҳаммолчилик ҳам қиларди. — Т. Обидов, Юсуфжон қизиқ

— Ҳеч хавотир олманг, — деди Давлатёр пешонасини тириштириб, — кеча-кундуз ўйлаб гаранг эдим. — П. Турсун, Ўқитувчи

[Гулнор:] Ёлғизман, ғариб-бенавоман, лекин кўнглим сизда Кеча-кундуз ёдингиз билан яшайман. — Ойбек, Танланган асарлар