Қидирув

от 1. Иш-фаолиятнинг маълум тажриба, тайёргарлик талаб этадиган бирор тури, соҳаси; ҳунар.

Бу киши ўзлари ҳосилот, касблари агроном, кечки мактабда муаллимлик ҳам қиладилар. — А. Қаҳҳор, Қўшчинор чироқлари

Ҳаётда шундай одамлар бўладики, улар бутун умрларини фақат бир ишга, бирон касбга боғлайдилар. — Х. Ёдгоров, Ҳаёт тўлқинлари

2. Умуман, одат қилинган иш; одат.

Молнинг тилини билиш ҳам ўзига яраша касб экан. — Ў. Умарбеков, Шонли авлод

Фойдахўрлик — тан-суягингизга сингиб кетган касбингиз. — Ҳ. Ғулом, Машъал

Хотинини қўшиб, амал олиш — у сизнинг касбингиз, мингбоши! — М. Исмоилий, Фарғона тонг отгунча

от 1. мат. Бирликнинг қисмларидан ташкил топган сон.

Оддий каср. Ўнли каср. Тўғри каср. Аралаш каср. Каср сон.

2. эск. айн. Қолдиқ 4.

Ўн олтини учга бўлсак, битта каср қолади.

сфт. 1. Организм меъёрий ҳолатини, фаолиятини бузувчи нарса; касаллик, дард.

Сил касали. Рак касали. Тутқаноқ касали. Касалга чалинмоқ.

[Шокир ота:] Бурунги замонларда Ибн Сино, Луқмон Ҳаким ўтган. Улар ҳар бир касалга даво топган. — Ойбек, Танланган асарлар

Онаси ўзининг касалини ҳам унутиб, унинг бошида парвона бўлди. — Ў. Ҳошимов, Қалбингга қулоқ сол

Ёш бўлганидан касалини ўзи сезмаса керак. Касали ўқтин-ўқтин бир кўриниш бериб қўяди. — Ойбек, Танланган асарлар

2. сфт. Организмининг меъёрий ҳолати, фаолияти бузилган, касалликка ёʻлиққан; бетоб.

Касал одам. Касал мол.

Хотиржам ишласин, деб касал онасини бировнинг қўлига ташлагим келмади. — С. Зуннунова, Олов

Одам организмининг касал ёки шикастланган аъзоларини алмаштириш учун сунъий эҳтиёт қисмлар яратиш ғояси янгилик эмас. — Фан ва турмуш

3. Организмининг меъёрий ҳолати, фаолияти бузилган шахс, касалликка ёʻлиққан шахс; бемор.

[Шокир ота:] Ибн Синога касалнинг жони чиқмаган бўлса, бас экан, тузатар экан. — Ойбек, Танланган асарлар

Икки қаватли мактаб биноси шошилинч суратда фронт ёқасидан келтирилган ярадор, касаллар учун бўшатилмоқда. — Р. Файзий, Сен етим эмассан

4. от кўчма Нарса ёки унинг қисмидаги носоғ, бузуқ ҳолат; носозлик, иллат.

Ҳамма касал шундаки, сиз халқ кучига ишонмайсиз. — Ш. Рашидов, Бўрондан кучли

У [Эркин] машинага бир қарашдаёқ касалини топади ва давосини қилади. — Ҳ. Ғулом, Тошкентликлар

5. от кўчма Одатга айланган иш, хатти-ҳаракат.

— Саъвани яхши кўрасизми? — Отадан қолган касал бу, — кулиб жавоб берди Ёʻлдошев. — Ёшлик

Демак, ёлғончилик касалига мубтало бўлган кишини ростгўй одамнинг қони билан даволаса бўлади. — Х. Тўхтабоев, Ширин қовунлар мамлакати

Эрининг тўсатдан қайсарлик касали тутди. — Тафаккур

6. от кўчма Умуман, бирор нарса истаги, шунга иштиёқ, интилиш; дард.

Ўзинг айт, агар менга шу касалингни бир оғиз билдирсанг, мен қайнатангга хат ёзмасми эдим — А. Қодирий, Ўтган кунлар

Оилада ишнинг жуда ишкали — Холпошшанинг кийим-кечак касали. — Муштум

vow, oath

айн. Кашфиёт.

[Ёʻлдош] Айниқса бу кашф ҳарбий истеҳкомда қўлланилса, зўр фойда келтиришини алоҳида таъкидлади. — Шуҳрат, Шинелли йиллар

Гоҳ усталар ҳунарин баён этдингиз, Олимларнинг кашфини аён этдингиз. — М. Шайхзода.

от Ҳарбий хизматчи, ўт ўчирувчи, қурувчи ва шу кабиларнинг металлдан ёки пластмассадан ишланган, турли зарбалардан сақловчи бош кийими.

Пулемёт ниҳоят танаффус қилди. Эргаш каскасини бостириб кийиб, чуқурдан эмаклаб чиқди. — Ҳ. Ғулом, Тошкентликлар

Қоровулхонада уларга ҳеч ким индамади, ёʻлакда қўлларига биттадан карбид фонар олиб, бошларига каска кийишди-да, конга кириб кетишди. — А. Мухтор, Чинор

Тоғ пармаловчи йигитлар бошларига пўлат каска кийишиб, саф тортиб, тош қўпоришяпти. — С. Қодиров, Норак нурхонаси