Qidiruv

ot 1. Yoshi ulgʻaygan, keksa, qari xotin.

Kichik, xarob, faqir bir uy, kampir va yoshroq bir xotin joʻxori tozalar edilar. — Oybek, Nur qidirib

U [Anzirat xola] oltmishlarga borib qolgan, nimjon bir kampir edi. — A. Qahhor, Qoʻshchinor chiroqlari

[Elmurod:] Yurtingizda kimlaringiz bor, Gʻani aka? — Bittagina kampir onam bor. — P. Tursun, Oʻqituvchi

2. Shunday yoshli xotin (ayol)larning ismiga qoʻshib aytiladi.

Oʻzbek oyimning qutidor, Oftob oyim va Oysha kampirga atab tiktirgan sarupolari ham bitdi. — A. Qodiriy, Oʻtgan kunlar

3. Yoshi ulgʻaygan kishining (yoshi ulgʻaygan) xotini va unga murojaat shakli.

[Shokir ota:] Kampirimga yoʻldosh, yetim goʻdaklarimga bosh boʻladi bu qizim. — Oybek, Tanlangan asarlar

Qoʻy, hazil qilma, kampir, Hamisha rostin gapir. — Yu, Hamdam

ot Universitet yoki kollejning binolari va maydoni.

ot Choynak qoʻyib, choyni dam yedirish yoki isitish (issiq tutish) uchun samovar oʻtxonasi ustiga oʻrnatiladigan moslama.

[Matluba] Dam yesin, deb choynakni kampirak ustiga qoʻydi. — N. Nazarov, Zamon

Kampiragini oʻynatib qaynab turgan katta samovar qarshisida xomushgina yerga koʻz tikib Asqar bogʻbon turardi. — N. Nazarov, Zamon

ot 1. Muhim ijtimoiy, siyosiy yoki xoʻjalik ahamiyatiga ega boʻlgan biror vazifani bajarish uchun maʼlum bir davrda safarbarlik yoʻli bilan oʻtkaziladigan ishlar, koʻriladigan tadbir-choralar tizimi.

Saylov kampaniyasi. Qoʻzilatish kampaniyasi. Koʻchat ekish kampaniyasi.

Yigʻim-terim — dehqonchilikda eng masʼuliyatli, hal qiluvchi kampaniya. — Gazetadan

2. harb. Maʼlum vaqt oʻtkazilgan va muayyan strategik maqsadni koʻzda tutgan harbiy harakatlar, urush-janglar majmui.

ot Qarilik (xotin kishiga nisbatan).

Kampirlik davri.

ot ayn. Kamchalak.