Қидирув

1. Дастлабки, биринчи; бошланғич. Қуёшнинг илк нурлари. Шоирнинг илк шеърлари. Кишилик тарихининг илк даври.

Шербек студентлик ҳаётининг илк дамларида ўзини худди қафасдаги қушга ўхшаш ҳис этди. — С. Анорбоев, Оқсой

Бу жараён танловнинг илк босқичида туман ва вилоятларнинг ўзида амалга оширилади. — Тафаккур

2. Эрта. Илк баҳор.

Илк саҳардан то қора кечгача одамлар тиним билмаган ана шу кунларнинг бирида, қуёш энди тиғ ёя бош-лаган салқин сабоҳда Қорабулоқ қишлоғидан бири кекса, бири ёш — икки отлиқ чиқиб келаверди. — М. Исмоилий, Фарғона тонг отгунча

сфт. 1. Бирдан, шартта.

— Яхши боринг, —деди қиз унга илкис қараб. — М. Мансуров, Ёмби

— Келдингми, ўғлим? — дея бошлиғимиз илкис ўрнидан туриб, икки қўлини баравар узатди. — Х. Тўхтабоев, Ширин қовунлар мамлакати

2. Кутилмаганда, тўсатдан, бехосдан.

Чол илкис эшитилган товушдан чўчиб тушди. — М. Ҳазратқулов, Журъат

от Оғиз бўшлиғи шиллиқ қаватининг тишлар бўйнига жипс ёпишган юмшоқ тўқимадан иборат қисми.

Помидор шарбати милк, томир терини мустаҳкам қилади. — Газетадан

от Бўлак-бўлак, пора-пора.

Тилка қилмоқ. Тилка бўлмоқ.

Қиз ҳам шундай остонасида Турди тўсиб ёпиқ эшикка, Қуёшдан узилган сайёра Каби танҳо жигари тилка. — Зулфия

от 1. 1 Овқатни санчиб оладиган дастали асбоб; санчқи.

Овқатни вилка билан емоқ.

Учинчи қадаҳдан кейин Зокирнинг гўштга санчмоқчи бўлган вилкаси тарелкага санчиладиган, лаблари ясама лабдай қўпол-қўпол қимирлайдиган бўлиб қолди. — П. Қодиров, Уч илдиз

2. тех. Айри учли ҳар хил деталларнинг номи.

Штепсел вилкаси. Велосипед вилкаси.

Ихтирочи стол лампасининг ипини розеткадан чиқариб олиб, ўрнига машинасининг вилкасини тиқди. — Муштум

3. шахм. Асп (от) ёки пиёданинг айрисимон, бир ёʻла икки сипоҳга ҳужум қилиш ҳолати.