от 1. Безаш учун ишлатиладиган нарса, буюм; безак.
Аравалар гумбур, отлар семиз, керакли анжомлардан ташқари, турли ҳашамлар билан безатилган. Ҳ. Нуъмон ва А. — Шораҳмедов, Ота
Юзлаб улкан биноларнинг ички ҳашами, безаги у ишлаб чиқарадиган буюмларга муштоқ. — Муштум
Уй-жой қурмаган, латта-путта йиғмаган, машина, ҳашамларга ҳам хуши бўлмаган. — С. Нуров, Нарвон
2. Уй, иморат ва шу кабиларнинг безак ишлари ва бошқалар ишлов, қурилмалардан иборат кўркли, салобатли, дабдабали кўриниши, ҳолати.
Рўзматов бизни ичкарига таклиф қилди. Кирдик. Ана клуб-у мана клуб. Кенглигини кўринг-у, ҳашамини томоша қилинг. — Муштум
Раис., ўзининг иккинчи участкасига ҳашам бериш билан банд эди. — Муштум
Қарши шаҳрининг ҳашами, салобати, боғларининг сўлимлиги юқоридан [самолётдан] яна ҳам латофатли. — Ўзбекистон қўриқлари
3. Тўй ва бошқалар йиғинларга хос кўтаринки ҳолат; дабдаба, тантана ва буларни юзага келтирувчи нарсалар.
Олимбой ака энди тўй-у ҳашамларда илгаригидек катта гапирмас эди. — С. Аҳмад, Сайланма
[Жамол хола] Ортиқча ҳашамга, исрофгарчиликка ёʻл қўймасди. Ана шуниси билан ёқарди маҳалладагиларга. — Р. Файзий, Ҳазрати инсон
Рост, тўйнинг ҳашами ҳам оз эмасди, унга узоқ, йил ҳозирлик кўриларди. — Р. Раҳмон, Меҳр кўзда