Қидирув

сфт. 1. Ер юзига оид, бутун Ер шарини қамраб олувчи.

Бироқ, бизнингча, дастурнинг глобал ғояси шундаки, у янги асрда республиканинг ижтимоий-иқтисодий тараққиётида сезиларли сакраш бўлиши учун асосий омил бўлиши мумкин. — Газетадан

2. кўчма Умумбашарий, кенг миқёсдаги; жаҳоншумул, жаҳон аҳамиятига молик.

Глобал муаммолар.

Айтиш мумкинки, бу воқеа хавфли қуролланиш пойгасига туртки бериб, нафақат минтақавий, балки яна глобал оқибатларга олиб келиши мумкин. — Газетадан

от Жаҳондаги мамлакатларнинг ижтимоий-иқтисодий, сиёсий ва маданий соҳада ўзаро яқинлашуви, бирлашуви; воқеа-ҳодисаларнинг бир мамлакат доирасидан чиқиб, умуминсоний миқёсга эта бўлиши, бутун Ер шарини қамраб олиши.

Ўзбекистоннинг жаҳон хўжалигига глобаллашуви, биринчи томондан, иқтисодий муаммоларни жаҳон хўжалиги билан ҳамкорликда ечиш ва жаҳон хўжалигига бевосита чиқишга имконият яраца, иккинчи томондан, Ўзбекистон эшиклари бутун дунё учун очилади. — Газетадан

Тармоқда ишлатиладиган манзил турларидан бири. Глобал манзил маълумотлар блоки, хабар ёки сигнал барча обектлар учун мўлжалланганини кўрсатади. Тармоқда глобал манзиллар ишлатилганда тармоқда кенг қамровли эшиттириш бажарилади. Шунингдек, тармоқда гуруҳли манзил (маълумотлар блоки мўлжалланган обектлар тўпламини аниқлайди) ва ноёб манзил (тармоқда фақат битта обектни ажратади) ишлатилади.инглизчаglobal addressрусчаглобальный адрес

Бир неча мамлакатларда жойлашган ва ҳудудий тармоқларни бирлаштириб яратилган тармоқ. У кўп сонли фойдаланувчиларга тармоқ хизматларини ва ресурсларини тақдим қилиш мақсадида яратилади. Ўзининг катта ўлчамлари туфайли ҳар бир глобал тармоқ ўз фойдаланувчиларига минглаб маълумотлар базаларини, қитъалараро электрон почтани, амалда ихтиёрий мутахассислик бўйича таълим олишни тақдим этади. Бундай тармоққа мисол Интернетдир. Шу билан бирга, компаниянинг турли мамлакатларда жойлашган филиалларини бирлаштирувчи глобал корпоратив тармоқлар ҳам фарқланади.инглизчаglobal networkрусчаглобальная сеть

Интернет тармоғининг маълумотлар базаларидан фойдаланишнинг гипермуҳитини яратувчи тармоқ хизмати. Керндаги Тим Бернерс-Ли томонидан ишлаб чиқилган. Унинг асосий ғояси, чўққилари ҳужжатлар бўлган, ҳужжатлардаги сўзлар ва жумлалар уларнинг ўзаро алоқасини аниқлайдиган катта графни яратишдадир. Натижада, ҳужжатлар кўпсонли серверларнинг маълумотлар базаларида жойлашади ва уларнинг ассоциатив алоқалари Интернетда бир бирини кесиб ўтган мурожаатлар турини ҳосил қилади. Веб учун стандартларни В3К консорсиуми ишлаб чиқади. Глобал уланиш хизмати янгиликлар ҳақида хабар беради, фан, санъат, техника, ишлаб чиқариш ва савдога тегишли турли соҳалар бўйича маълумотлар беради. Бундан ташқари у, маҳсулот ва турли шахслар томонидан тақдим қилинаётган хизмат турлари рекламасини таъминлайди. Вебни ташкил қилувчиларга қуйидагилар киради: гиперматнли узатиш протоколи; гиперматнли маркерлаш тили; кўриб чиқиш муҳаррири - браузер; веб-сервери; веб-саҳифаси. Вебда ахборотни топиш учун излаш серверлари ишлатилади.инглизчаglobal connectionрусчаглобальное соединение

от Жаҳон иқтисодий, сиёсий, маданий ва диний интеграциялашув ва бирлашув жараёни; глобаллашув.