«GANİ» boʻyicha 4 ta natija: Oʻzbekchadan
ot 1. esk. kt. Boy, badavlat, davlatmand.
Sen gʻanisan, menda bisyor ehtiyoj. — Nodira.
[Eshon:] Soʻzlangiz, Mirsiddiqboy maxsum, Qoʻqonda ahli savdodan gʻanilar, zanginlar moʻlmi? Oybek, — Ulugʻ yoʻl
2. Gʻani (erkaklar ismi).
ot Dushman; raqib.
Shahar xalqiga jar solamiz, qoʻlida bor qurol-yarogʻini koʻtarib chiqsin, qoʻrgʻon tashqarisida gʻanim bilan mardlarcha olishamiz. — M. Osim, Ajdodlarimiz qissasi
Axir u emasmi doʻstni gʻanimu, Gʻanimni doʻst qilib qoʻyguchi odam. — A. Oripov, Yillar armoni
Yoʻlda yoʻltoʻsar choʻntagini qoqlab oldi. Indamay ketolmadi gʻanimiga tashlandi. M. M. — Doʻst, Galatepa qissalari.
ot 1. kt. Urushda yoki ovda qoʻlga kiritilgan narsa, oʻlja.
Husayn Boyqaro merganlar bilan birga tantanali ov haftalari tuzib, qorli sahrolarga suron solar, katta gʻanimat bilan qaytardi. — Oybek, Navoiy
Qaldirgʻoch uchib ketayotib, gʻanimatini tutaveradi, yerda esa ojiz boʻlib qoladi. — Gazetadan
2. Umuman, qoʻlga kirgan, ega boʻlingan narsa.
Oʻgʻillari oʻttizinchi yillarda otalaridan meros qolgan gʻanimatlarni choʻntakka solib, ming mashaqqatlar bilan Mashhadga qochgan edi. — A. Hakimov, Ilon izidan
Hatto bizning davrimizda kelib chiqqan Yoz neʼmati — qish gʻanimati degan maqol ham konserva sharofatiga aytilgandir. — K. Mahmudov, Qiziqarli pazandalik
3. Shaxs, holat yoki narsaning mavjudligi vaqtinchalik, oʻtkinchi va qaytmaydigan ekanini bildiradi.
Dam gʻanimat. Yoshlik gʻanimat. Vaqt gʻanimat
Fursat gʻanimatdir, shoh satrlar-la Bezamoq chogʻidir umr daftarin. — Gʻ, Gʻulom
Gulchehraga eri bilan totuvligi ham gʻanimatdek tuyulardi. — S. Zunnunova, Goʻdak hidi
Biz ham gʻanimat, bugun bormiz, ertaga oʻzi biladi. — M. Mansurov, Yombi
ot Gʻanimga xos munosabat.
Birinchi yordamchi iljayib qoʻydi: Yaxshiboyev bilan Shoymardonovning azaliy gʻanimligini bilardi. M. — M. Doʻst, Galatepa qissalari
