Қидирув

сфт. 1. Қариндош-уруғи ёʻқ, бирор ҳомийси, кўмакчиси бўлмаган, кимсасиз; мусофир.

Ғариб кўнглини ғариб билур. — Мақол

Бу ғариб ва кимсасиз киши асли Сабзавор шаҳридан бўлиб, фалакнинг гардиши билан Ҳиротга келиб қолган. — Мирмуҳсин, Меъмор

Файзи касалхонадан кетгандан кейин, бамисоли ғариб бўлиб қолдим. — Э. Райимов, Ажаб қишлоқ

2. Камбағал, қашшоқ; фақир, бечора.

Тирноқ-ла ер ўйиб, сувлар оқизган Ғариблар аҳволи қоларди тангга. — Ғайратий

Бозор Ҳамроевич, ўғли ғарибгина бир оилага нақадар катта ғам-ташвиш орттирганини тушунди. — Ў. Усмонов, Сирли соҳил

3. кўчма Ночор ҳолатли; кўримсиз; аҳволи танг.

шаҳар четида ижарада, ғариб бир хонада яшардик. М. М. — Дўст, Лолазор

Гиёҳлари қовжираган ғариб мозорга тикилиб ўтириб, ўтган болалигини эслади. — С. Аҳмад, Уфқ

Ўзи ҳамма вақт ғариб яшашига қарамай, жуда серпардоз эди. — С. Зуннунова, Гулхан

4. кам қўлл. Ажиб, қизиқ, ажойиб.

Сизлар эмас, отанг нима бўлади, Болам, жанг энди ғариб бўлади. — Маликайи айёр

Агар гумоним тўғри бўлса, Комилбекнинг қотили Ҳомиддир! — Бу сўз Отабекни ажаблантирганидек, уста Олимга ғариб эшитилган эди. — А. Қодирий, Ўтган кунлар

• ШОМИ ҒАРИБОН keshki waqıt, adamdı uwayımģa salatuģın, kewilsiz keshki waqıt

от Ғариб ҳолат, ғарибона шароит.

Ёʻлчи қоронғи кечада борар экан, бутун ғариблигини, юрагидаги қайғу гирдобининг бутун оғирлигини яна чуқурроқ туйди. — Ойбек, Танланган асарлар

[Меъмор:] Қолган умримни, чол-у кампир бирга, хокисор ғарибликда, тоат-ибодатда ўтказмоқчиман. — Мирмуҳсин, Меъмор.

Ғарибларга хос; фақирона, ночор.

Ғарибона ҳаёт кечирмоқ.

[Муқимий ва Тожибой] Хуржунни бошга қўйиб, ғарибона уйқуга кетдилар. — С. Абдулла, Мавлоно Муқимий

Бизникидақа кичкина, ғарибона эмас, катта, чиройли уй экан. — М. Исмоилий, Фарғона тонг отгунча

фл. айн. Ғариблашмоқ.

Етмиш кунлик қамал билан хазинамиз жуда ғарибланди, ҳатто шу кейинги кунларда ҳам қийналиб қолдик. — А. Қодирий, Ўтган кунлар

сфт. Ғарибларга ён босадиган, кўмаклашадиган; камбағалпарвар.