Қидирув

от 1. Қаттиқ буюмни (темир, ёғоч ва шу кабиларни) кесиш, текислаш, ўткирлаш, пардозлаш учун ишлатиладиган, қирадиган тиши пўлатдан ясалган чилангарлик асбоби.

Уч қиррали эгов. Юмалоқ эгов. Ялпоқ эгов. Йирик тишли эгов.

Кичикроқ эгов билан узангининг юзлари яна эговланиб силлиқланади. — М. Муҳаммаджонов, Турмуш уринишлари

Сиз занглаган кетмонсиз, оловга тоблаб, ўткир эговга чархлаш керак, деса-я юзсиз. — Назир, Ўтлар туташганда

2. кўчма Кишини жондан тўйдирадиган, унинг умрини қисқартирадиган кимса, нарса.

Ичкилик — ақлнинг эгови. Ёмон хотин — умрнинг эгови.

Ҳамма косиб шундай бўлади, жоним! Косибчилик — умрнинг эгови. — Ойбек, Танланган асралар

Ўзини ва ўз манфаатини ҳаммадан устун қўядиган одам; худбин.BENCİL, EGOİST

Ўзини ва ўз манфаатларини ҳаммадан устун қўйиш; худбинлик.BENCİLLİK, EGOİZM

сфт. Худбинликка, эгоизмга оид, худбинлик руҳида бўлган.

Олий мактаблардан чиқаётган баъзи кишилар жамият манфаатларини эмас, балки ўзларининг эгоистик, шахсий манфаатларини афзал кўраётганликларидан кўз юмиш мумкин эмас. — Газетадан

от

Эгоистлик қилмоқ.

унинг ҳар бир гапида, сўзининг оҳангида ўзини ардоқлаб вояга етказган Аширгул онага нисбатан бемеҳрлик, эгоистлик ҳислари ошкора сезилиб турарди. — Н. Улуғжонов, Онажонингни унутдингми?

фл. 1. Эгов билан ишлов бермоқ, эгов билан силлиқламоқ, ўткирламоқ.

Аррани эговламоқ. Кетмоннинг дамини эговламоқ.

Пўлат найза ер остида ётарми, Темир найза эговласа ўтарми — Ойсулув

2. кўчма Руҳий азоб бермоқ, қийнамоқ, емирмоқ.

[Дилбар:] Узингизни ўзингиз эговлаяпсиз, Комилжон ака. О. Ёқубов, Айцам, тилим куяди, айтмасам — дилим.

Ойим раҳматликнинг умрини уруш даврининг қийинчиликлари билан мана шу оғир кетмон ҳам эговлаган — П. Қодиров, Юракдаги қуёш

Кечадан бери миямни эговлаган масалалардан сўз очдим. — Ҳ. Назир, Кўктерак шабадаси