Қидирув

от 1. 3-ш. бирл. (эгни) 1. Орқанинг елка ва бўйин орасидаги устки қисми.

Энди эгнимни қисиб турмайин, қандоқ бўлса, буларга бир сўз айтайин, деб Ёдгор бир сўз айтаётир. — Ёдгор

Ўзи полвон сиёқли.. Ҳар эгни кирдай, қараши тўқайдаги шердай. — Ойсулув

2. Киши танаси (гавдаси)нинг кийим кийиладиган уст қисми.

Мана ҳозир Мунисхон ётоқхонадан чиқиб келади. Эгнида оқ кўйлак. — Ў. Умарбеков, Ёз ёмғири

3. Энгил, кийим-бош.

Сувдан чиқдик, шоша-пиша эгнимизни кия бошлагандик, чорвоқ томондан биров кўринди-ю, писиб олди. — М. Жўра, Изтироб

от с. т. Энгил-бош, кийим-бош.

Ғуломжонни шаҳарда кўпроқ ажаблантирган нарса шу бўлдики, у мадрасадан кетиб қолгандан бери гадойлар, тиланчилар, эгни-боши хароблар илгаригидан ҳам кўпайиб кетган эдилар. — М. Исмоилий, Фарғона тонг отгунча.

фл. кам қўлл. Дахл қилмоқ, тутинмоқ; гап-сўз ёки қўл билан тегмоқ.

Эшикни очса ҳам, идиш-товоқларга тегинса ҳам, тарс-турс, қарс-қурс қилиб, кимдандир ўч олаётгандай бўларди. — Р. Раҳмон, Меҳр кўзда

Ҳолин билмай, ҳар ким ҳалок бўлади, Ким бунга тегинса, тайин ўлади. — Алпомиш