Қидирув

от 1. Бирор ўқув масканини битирганлик ёки бирор илмий унвон, илмий даража берилганлигини тасдиқловчи расмий ҳужжат.

Имтиёзли диплом. Техника фанлари номзоди дипломи. Диплом олмоқ.

Элмурод институтни имтиёзли диплом билан тамомлади. — Шуҳрат, Шинелли йиллар.

2. Университет, институт ва шу кабиларни битириш олдидан, шундай ҳужжат олиш мақсадида ёзиладиган иш, тадқиқот ёки лойиҳа.

Диплом иши. Диплом (иши) ёзмоқ. Дипломни ҳимоя қилмоқ.

Малоҳат диплом ёзар, имтиҳонларга тайёрланар, шунинг учун тун билан куннинг фарқи қолмаган эди. — Ҳ. Ғулом, Замин юлдузлари

Бу янги уй лойиҳаси Малоҳатнинг иштирокида туғилган, бинобарин, Малоҳатнинг диплом иши эди. — И. Рахим, Тинимсиз шаҳар

3. Бирор ҳуқуқ ёки мукофот берилганлигини тасдиқловчи гувоҳнома.

Беруний мукофоти лауреати дипломи. Қишлоқ хўжалик кўргазмасининг дипломи. Боксдан жаҳон чемпиони дипломи.

Айрим журналистлар, фотомухбирлар ва табиат ҳаваскорлари пул мукофотлари ва дипломлар билан тақдирланди. — Газетадан

от 1. Чет мамлакатлар билан расмий алоқа қилиш ёки музокаралар олиб бориш учун махсус тайёргарлик кўрган ва шундай ишлар учун ўз ҳукумати томонидан вакил қилиб тайин этилган лавозимли киши.

Ўзбекистон дипломати. Дипломат бўлиб ишламоқ.

1829 йил январда Эрон пойтахти Теҳронда рус дипломатига суиқасд қилинади. С. — Кароматов, Олтин қум

Хитой дипломатининг фикрича, Шанхай бешлигининг келажаги порлоқ. — Газетадан

2. с. т. Иш, гап, муомалада уста, моҳир киши.

Жуда дипломат бўлиб кетибсиз-ку.

Соҳибқирон жуда моҳир дипломат бўлган. — Фан ва турмуш

Савдо ходими — турли хил одамлар билан муомала қила оладиган, илмли ва дипломат одам. — Шукрулло, Жавоҳирлар сандиғи

от 1. Олий ёки махсус ўрта ўқув юртини битириш дипломи устида ишлаётган (диплом иши ёзаётган) талаба.

Тошкент давлат иқтисодиёт университети дипломанти Ш. Расуловнинг диплом иши юксак баҳо олди. — Фан ва турмуш

2. Мусобақа, танловда ютиб чиқиб, диплом билан мукофотланган киши.

Конкурс дипломанти.

сфт. 1. Давлатнинг чет мамлакатлар билан бўладиган расмий муносабатлари ва дипломатияга оид.

Дипломатик акт. Дипломатик алоқа. Дипломатик муносабат.

Ўзаро тенг манфаатли дипломатик алоқалар ўрнатиш зарур ва шарт. — Газетадан

Томонлар учрашув вақтини дипломатик каналлар орқали аниқлаб, келишиб олдилар. — Газетадан

Акрамжон гўё дипломатик қабул маросимига ясангандай қора костюм, оқ нейлон кўйлак кийиб, қора галстук тақиб олган эди. — И. Раҳим, Тинимсиз шаҳар

2. Дипломатларга, яъни элчиларга оид.

Дипломатик ваколат. Дипломатик иммунитет.

3. кўчма Чуқур ва нозик ўйлаб, эҳтиётлик билан айтилган ёки қилинган.

Дипломатик жавоб.

Шундай бўлса ҳам дипломатик равишда, хотини ва қизи орқали очиқдан-очиқ Саидийга билдирар эди. — А. Қаҳҳор, Сароб

от Тарих фанининг расмий ва шахсий юридик ҳужжатларнинг шакл ва мазмунини ўрганувчи ёрдамчи тармоғи.

от 1. Давлатнинг ташқи халқаро сиёсатни амалга ошириш, чет мамлакатлар билан алоқа қилиш соҳасидаги фаолияти.

Ўрта аср ўзбек дипломатиясининг йирик намояндаларидан бири Абдураззоқ Самарқандий атоқли тарихчи олим ҳамдир. — Газетадан

Кафиллик берсам, бермасам, дипломатия ишларидан хабардор бошқа одамимиз ёʻқ. — Т. Малик, Қалдирғоч

2. с. т. Бирор мақсадга эришиш ёʻлида усталик билан олиб борилган муомала.

Дипломатияни жуда боплайсиз-да. Ҳе, яшанг, дипломатиянгизга қойилман.