Qidiruv

ot 1. Tutun, qurum, is.

Porox dudi,

Mamajonning dimogʻiga qorachiroq dudi gup etib urildi. — A. Muxtor, Opa-singillar

Yogʻ dudi osmonga koʻkish ustunday koʻtarildi. — H. Gʻulom, Zamin yulduzlari

Devorlari va shipini qop-qora dud bosgan bu uyga quyosh nurlari kichik bir tuynukdan tushardi, xolos. — J. Sharipov, Xorazm

2. koʻchma Gʻubor, dogʻ, asorat.

Koʻzimda gʻurbatning zaharli dudi. — Gʻ. Gʻulom

Gulnorning koʻnglini qoplagan hasrat dudi tarala boshladi. — Oybek, Tanlangan asarlar

Aslida suhbatdan qolgan dud hali Elmurodning koʻnglidan arimagandi. — Shuhrat, Shinelli yillar

3. koʻchma Oh, nola; ruhiy azob.

Hoji xolaning dudi osmonda edi. — M. Ismoiliy, Fargʻona t.o.

Dushmandan intiqom olib, dudini dimogʻidan chiqaraylik. — M. Osim, Karvon yoʻllarida

4. koʻchma Achchiq, jahd; gʻazab.

Mana shu yerda mingboshining dudi osmonga chiqdi. — M. Ismoiliy, Fargʻona t.o.

5. koʻchma Iliqlik tafti.

Hut kirdi, yer ostiga dud kirdi. — Maqol

ot Oq boʻzning siyrak toʻqilgan turi.

Duda pashshaxona.

Bizda ham gazlamalarning turlariga ism bor: boʻz, duda, qalami va hokazolar. — A. Qahhor, Sarob

ot Tuvaloqlar turkumiga mansub qush.

ot 1. kt. 1 ayn. lab.

[Gulnor] Yoʻlchining kuchli, erkak nafasini, dudoqlarida uning boʻsasining jonli olovini bir lahza sezdi. — Oybek, Tanlangan asarlar

Sevishganlar qoʻli bir-biriga chirmashdi. Dudoqlarda boʻsa chaqnadi. — Shuhrat, Shinelli yillar

Yarqiragan yonogʻingdan aylanay, Gul bargiday dudogʻingdan aylanay. — Qoʻshiqlar

2. koʻchma Ogʻiz; til.

Sharaf sizga, yogʻar million dudoqdan kuchli olqishlar. — Gʻ, Gʻulom

Alla aytgan dudoqlarda Ona mehri toshqin. Mirtemir, — Asarlar

sft. Baʼzi tovushlarni qiynalib talaffuz etuvchi yoki tutilib gapiruvchi.

Duduq odam,

Duduq odamning gapirishi qiyin, ammo uning gapini eshitish undan ham qiyin. — F. Musajonov, Himmat

Goʻdaksiz oʻtarman nahot jahondan, Mayli, choʻtir, duduq — sevardim jondan. — Mirtemir, Asarlar

ot 1. Ikki tomonida ham dami, tigʻi bor.

Dudama pichoq.

Pichoq uncha katta emas ingichka va dudama edi. — S. Ayniy, Esdaliklar

U etigi qoʻnjiga solib qoʻygan dudama xanjarga ishora qildi. — Mirmuhsin, Meʼmor

Tilini chiqarib tishlab, dudama pichogʻi bilan novdani butay boshladi. — Sh. Xolmirzayev, Bodom qishda gulladi

2. ot Har ikki tomoni tigʻli pichoq yoki xanjar.

Zulayho orqasiga qaytadi. Bir necha qadam yuradi-yu, dudamani eslaydi. — P. Qodirov, Qadrim

Naq koʻksiga sopigacha botib ketdi dudama. — O. Hakimov, Dostonlar