sft. 1. Koʻngilni maftun etadigan, kishini oʻziga tortadigan; yoqimli. Dilrabo kuy. Dilrabo manzara.
Vatan! Naqadar dildor va dilrabo, jozibali va yoqimli eshitiladi bu soʻz! Gazetadan. Ovoz shu qadar tiniq, dilrabo ediki, Muqaddam hayajondan entikib ketganini sezdi. — Oʻ. Hoshimov, Qalbingga quloq sol
Ey, siz, togʻlar, dilrabo togʻlar, Yosh qalbimni maftun etgansiz. — A. Oripov, Yillar armoni
2. ot Goʻzal yor, maʼshuqa, mahbuba.
E dilrabo, ishqing bilan devona boʻldim sogʻinib. — Hamza
Ketdim berib koʻngil u dilraboga vafo bilan, Toʻldirdi-ketdi koʻnglimni ishqiy navo bilan. M. Boboyev.
3. Dilrabo (xotin-qizlar ismi).