Поиск

Demokratik institutlar va inson huquqlari boʻyicha byurosi (YXHT boʻlimi)

sft. 1. Voqelikni nafis sanʼat vositalari, usullari, obrazlari orqali ifoda etuvchi; tasvirlovchi.

Badiiy adabiyot. Badiiy asar. Badiiy sanʼat. Badiiy film.

Badiiy adabiyotning zamiri hayotdir. — X. Yodgorov, Hayot toʻlqinlari

Elmurod badiiy asarlar odamlarning tashna dillariga naqadar rohat bagʻishlaganini sezar, lekin bunday asarlarning oʻz tilimizda kamligidan kuyinar edi. — P. Tursun, Oʻqituvchi

2. Badiiylikka tegishli, mansub.

Badiiy mahorat. Badiiy tasvir. Badiiy tafakkur. Badiiy did. Badiiy salohiyat.

Ijodda faqat niyatning oʻzi kifoya qilmaydi, shunga yarasha badiiy salohiyat va teran fikr ham zarur. — Gazetadan

Badiiy fikr oʻzining shakli bilan tugʻiladi. — U. Normatov, Talant tarbiyasi

3. Badiiy ijod bilan bogʻliq boʻlgan faoliyatga oid.

Badiiy rahbar. Badiiy havas-korlar toʻgaragi. Badiiy jamoa. Badiiy muhit.

Badiiy havaskorlik toʻgaragi repetitsiya qilayotir. — P. Tursun, Oʻqituvchi

Oʻzbekistonlik badiiy kollektivlar va ijrochilarning konsertlarida oltmish mingdan ortiq kishi hozir boʻldi. — Gazetadan

Yangi insonni voyaga yetkazish va tarbiyalashda ijtimoiy va badiiy muhitning roli katta. — Gazetadan

ot kam qoʻll. q. Badiiylik.

Badiiyatdan mahrum, xom sheʼrlar gazetada bosilaveradi, degan gap qayerdan chiqqan? — Shukrullo, Javohirlar sandigʻi

ot esk. kt. Badiiylik va estetik talablarga javob bera oladigan ijod va uning mahsuli.

U adabiyot pirlari haqida yozgan maqolalarida chin badiiyotni soxta badiiyotdan ajrata bilish taʼlimini berdi. — Gazetadan

Akustik oʻlchashlar uchun asbob.

ot Badiiy-estetik xususiyatga, badiiy mazmunga egalik; sanʼatga aloqadorlik.

Badiiylik — asarning estetik taʼsir kuchi. — Gazetadan

Oybek romanning musiqaviyligi, badiiyligi, obrazi boʻlishi uchun kurashgan. — OʻTA