Qidiruv

ot 1. Chiqindi, qoldiq.

Bosmaxona chiqitlari.

Har tarafga tarqab yurgan tovuqlardan ikkita-uchtasi sigir oxuri tagidagi yuzaroq poʻchoqlarni, shunga oʻxshash sabzavot chiqitlarini titish bilan mashgʻul. — Yoshlik

2. Yaroqsiz narsa; brak.

Kecha akt bilan chiqitga chiqarilgan restoranning nimdosh choynak-piyolalaridan bir dastasini uyga yuborsak boʻlardi-yu — N. Aminov, Yolgʻonchi farishtalar

3. koʻchma Chiqindiga chiqarilgan, past nazar bilan qaraladigan (odam haqida).

U vaqtlarda xoʻjayinlar kambagʻalni odam qatoridan chiqit hisoblashgan. — Oybek, Tanlangan asarlar

4. Asosiy ishdan chetda qolgan.

Brigadada koʻp odam chiqitga chiqib ketadi. Brigadirlarning oʻzi, oshpaz, tabelchi, aravakash, yasli xodimi, shiypon qorovuli. — S. Nurov, Parvoz

ishlab chiqaruvchi yoki egasi boshqa qoʻllay olmaydigan va foydalanishdan chiqarib, atrof muhitga tashlaydigan narsalar.

ichki yonish dvigatellardan ishlab chiqariluvchi gazlar.

Avtomobillar chiqargan Ch.g. atmosfera ifloslanishining asosiy manbalaridan biridir.

ifloslantiruvchi moddalarni atrofmuhitning yomonlashuviga (landshaftlar tanazzuli, hududning tabiiy-resurs potensialining pasayib ketishi, aholi hayot sharoitlarining yomonlashishi va h.k.) olib keladigan hajmlarda chiqarishni istisno qiluvchi texnologik operatsiyalar (ishlab chiqarish) majmui. Odatda Ch.t. atrof-muhitni muhofaza qilish yoki uni tiklash uchun qoʻshimcha mablagʻ talab qilmaydi.

ishlab chiqarish jarayoni haqidagi qator oʻzaro bogʻliq maʼlumotlar, masalan, harorat, bosim, oqila, oqava suvlarni qayta ishlash davomiyligi, yoqish jarayonidagi ortiqcha kislorod darajasi kabilarni qoʻllagan holda chiqitlarni baholashning (bavosita) usuli.

shifoxonalar, klinikalar yoki boshqa muassasalarning kasallik gazmollari yoki yuqumli mikroorganizmlarni oʻz ichiga olgan yoki ular bilan aloqada boʻlgan chiqitlari (AQSHda “chiqitlar qizil xaltasi” deb ataladi). Ularni shuningdek kasallantiradigan xossalarga ega yuqumli, yaʼni xavfli chiqitlar deb ham atashadi, xususan, infeksiyalangan mollar chiqitlari, inson qoni va qon mahsulotlari, yuqumli chiqitlar va ishlangan oʻtkir narsalar (igna, skalpel yoki singan tibbiy asboblar). Tibbiy chiqitlar uchun maxsus yoʻqotish usullari qoʻllaniladi (odatda yoqiladi).