от 1. Чақириш мақсадида айтилган сўз, гаплар.
Ғафур аканинг: — Қочадиган одам ёʻқ, келаверинг, — деган ҳазилнамо чақириғи эшитилди. — Шукрулло, Жавоҳирлар сандиғи
2. Бирор хатти-ҳаракатга ундаш, даъват қилиш.
Демак, Бобурнинг дунё лаззатларидан фойдаланиш тўғрисидаги насиҳат ва чақириқлари ҳаётдаги турли-туман кўн-гилсиз, бахциз воқеалардан ғам чекишнинг ўрнига тавсия этилган тадбирлардан эди. — ЎТА
Командирнинг чақириқлари взвод жангчиларини жасоратга чорларди. — Назармат, Жўрлар баланд сайрайди
3. Хонадонда бирор муносабат билан ўтказиладиган меҳмондорчилик, зиёфат.
Яқинда бир танишим қизининг туғилган куни муносабати билан меҳмон чақириқ қилди. — М. Исмоилий, Одамийлик қиссаси
4. тар. Шўро даврида: партия, ҳукумат ёки сезд, қурултой, мажлис ва шу кабилар томонидан эълон қилинган мурожаат, даъват ёки шиорлар.
Май чақириқлари.
Бўтабой сўзининг охирида чақириққа ўзининг тайёр эканини билдирди. — А. Қаҳҳор, Қўшчинор чироқлари
5. Навбатдаги сайловдан кейин ҳамкорликда иш олиб борувчи депутатлар таркиби.
- Қуда чақириқ Совуқчилик қуда чақириқдан бошланди. — Шарқ юлдузи
- Чақириқ қоғози Идора, муассаса ва шу кабиларнинг расмий таклиф қоғози; повестка. Қодирбек билан бўлган тунги можародан бир ҳафтача ўтгандан кейин милициядан менга чақириқ қоғози келиб қолди. — М. Қориев, Ойдин кечалар