Қидирув

1. Бир нарсанинг ушланадиган қисми; даста, тутқи.KULP

2. Қарор, қонун, шартнома ва sh.k.ning рақам ёки ҳарф билан кўрсатилган кичик бир қисми, модда, параграф.MEŞGUL, DOLU

от 1. дин. Оллоҳ яратган, тақдири унинг қўлида бўлган киши; Оллоҳнинг қули.

Худонинг бандаси.

Тангри ўз бандалари орасида ғайратлисини ёқтиради. — Ҳадис

Тангрининг биродар бандалари бўлинглар, ўрталарингда ҳасад, адоват, аразлаш бўлмасин. — Ҳадис

Бандаси Оллоҳнинг иродасидан чиқа олмайди. — С. Аҳмад, Уфқ

2. с. т. Умуман одам, киши.

Яхшиликка ўрганган бир банда осонлик билан ўз яхшилигини қўймайдир. — А. Қодирий, Кичик асарлар

Ҳеч вақт ҳукмдорлар ҳузурига бош эгиб борган банда эмасмен. — М. Осим, Карвон ёʻлларида

Агар банда сидқидил билан худодан сўраса, томчи ўрнига дарё бағишлайди. — Ойбек, Нур қидириб

3. Кимгадир, бирор кишига қарам киши; фуқаро.

4. кўчма Бирор нарсага бутун вужуди билан берилган кимса.

Нафс бандаси. Пул бандалари. Жиғилдон бандаси. Ғилоф бандаси.

— Нафс бандаси Биров ишдан келса, сиз ошдан келасиз, — деди Мели полвон жаҳли чиқиб. — П. Турсун, Ўқитувчи

Фабрикага ин қурган бир ҳовуч пул бандалари ана шу шиор остида ишлаганлар. — Газетадан

Лекин бир кун эмас, бир кун жиғилдон бандаси Абдуллаев билан чўталчи Мўминовларнинг чув тушиши турган гап. — Муштум

— Сизнинг назарингизда, ҳамма хотинлар латта-путта бандалари, шундайми, — деди Кумуш Камолиддинга. — Т. Жалолов, Олтин қафас

Озодлик маъноси бу эмас, ёлғон! Доллар бандасининг сохта сўзидир. — Р. Бобожон, Шеърлар

5. кўчма Ошиқ, мафтун, шайдо бўлган киши ҳақида.

Қизнинг чўлпон кўзи юракларга ўт ёқаркан, қора қўнғир сочи тақимига уриб турганини кўрган ҳар бир йигит унга банда бўлар экан. — Н. Сафаров, Катта карвон ёʻлида

Уч йил бўлди, мунтазирман ўзингга, Жоним банда ярқиллаган кўзингга. — Пўлкан, Ҳасан батрак

от 1. Асир тушган одам, тутқун, асир.

Банди бўлмоқ.

Сарбозлар ўн чоғли кишини банди қилиб, Хивага ҳайдаб кетдилар. — С. Сиёев, Аваз

Холхўжа бандиларнинг қўлини ечишни буюриб, кўрпачадан жой кўрсатди. — С. Аҳмад, Ҳукм

2. Зиндонга ташланган, қамоққа олинган одам.

Тўрт бандини зиндондан олиб келдилар. — С. Айний, Эсдаликлар

Жўра шу Бекнинг сассиқ қамоқхонасида бир ярим ой банди бўлиб ётганида, ўша Назар жаллод ҳар куни икки маҳал Жўрани қамчилатар эди. — Ҳ. Шамс, Душман

3. кўчма Бирор нарсага, ҳолатга берилиб кетган, бирор кимса ёки нарсага боғланиб қолган; мафтун.

У хаёлларига банди бўлиб, дам ғазабланиб, дам ўзига-ўзи тасалли бериб борарди. — Ёшлик

Кўзи ўтган-кетганларда, хаёли эса турли ўйлар тўфонига банди бўлган. — Ёшлик

Одам борки, киндик қони томган ерга банди у. — Ёшлик

У ҳануз бу қадар бекорчиликка банди бўлмаган эди. — Т. Малик, Қалдирғоч

4. кўчма Кишанланган, занжирбанд.

Болам Аваз, эшит менинг ҳасратим, қўл-оёғим банди, кимга айтайин дардим. — Маликайи айёр

от 1. Ҳомиладорлик ва ундан кейинги даврда, операциядан олдин ёки кейин тананинг тегишли (касал) жойини нормал ҳолатда тутиб туриш учун танғиб боғланадиган (кийиладиган) махсус камар, белбоғ.

Бандаж врач назорати остида танланади. — Ўзме

2. тех. Машина деталлари ёки конструксияларнинг пухталиги ва чидамлилигини ошириш мақсадида уларга кийгизиладиган металл ҳалқа.

от 1. этн. Паранжининг елкадан ён томонга осилтириб тикилган иккита енгсимон қисми, сохта енг.

Қуёшдан ва чангдан оқариб кетган, бандагига катта ямоқ тушган паранжиси бу иссиқ ҳавода уни ниҳоятда қийнаб қўйгани билиниб турарди. — А. Мухтор, Опа-сингиллар

Бир кун танноз паранжи ёпиниб, олдимдан ўтиб қолди бандаги лой ҳам бўлибди. — Муштум

2. Лойдан ясалган хом идишларни кулоллар чархида текислаш ва силлиқлаш учун ишлатиладиган чарм, латта ёки кигиз.

от Босқинчилик, ўғрилик, каллакесарлик билан шуғулланувчи қуролланган шахс.

Бандитлар шайкаси.

Улар (милиция) қуролланган бандитлар, пихини ёрган жиноятчиларга қарши курашиши керак. — Фан ва турмуш

Зайнаббиби бандитлар билан мислсиз олишувда жасорат кўрсатиб, ҳалок бўлади. — Гулистон