Qidiruv

ot Qoʻqqisdan qilinadigan hujum, bosqinchilik; agressiya, tajovuz.

Qishloqda har kecha bosqin, otishuv, yongʻin. — S. Ahmad, Hukm

U Vatanni saqlar bosqinlardan, Shijoati yov uchun dahshat. — Mirtemir

Qoʻshni qishloqlarga bosqinlar uyushtirdi, oʻzga yurtlarni vayron qildi. — S. Karomatov, Oltin qum

ot 1. Zoʻrlik bilan bostirib kelib talovchi qurolli oʻgʻri, bandit.

Bu oʻsha — Yusufbek, xotinini oʻgʻirlab ketgan bosqinchi. — X. Ahrorova, Orifning davlati

Qadimda Urgut qishloqlariga bosqinchilar tez-tez hujum qilar ekan. — Saodat

Bosqinchi soʻzining maʼnosi shulki, Nonga toʻyganda ham, toʻymas makonga. — A. Oripov

2. Oʻzga yurtni, elni bosib oluvchi; tajovuzkor, agressor.

Bosqinchilar yurtimizdan chiqib ketmaguncha, biz undan oʻch olamiz. — I. Rahim, Chin muhabbat

Bosqinchilar shaharga kira olmabdi, lekin qamalni uzoq davom ettiribdi. — Fan va turmush

Erkinlik jazmida xalqning barisi Bosqinchi lashkarga qilardi hamla. — M. Shayxzoda

Yurtni bosqinchilardan himoya qilish — hammaning ishi. — Mirmuhsin, Meʼmor

ot 1. huq. Birovning mol-mulkini talash maqsadida oshkora amalga oshirilgan oʻta ogʻir ijtimoiy jinoyat.

Bosqinchilikmi, podachilikmi, ketmonchilikmi — qanday ish boʻlsa ham, mayli. — I. Rahim, Ixlos

2. Oʻzga yurtni bosib olish, istilochilik, tajovuzkorlik, agressorlik.

Ming-minglab bebaho obidalarimiz turli sabablar bilan, ayniqsa, bosqinchilik urushlari natijasida yoʻq qilingan yoki oʻzga yurtlarga olib ketilgan. — Fan va turmush

3. Birovning nomusiga tegish, tajovuz qilish.

[Tantiboyvachcha] Gulnorga bosqinchilik qilishga Jondorboyni sherik qilmoqchi boʻldi-da, piyoladagi achchiq choyni hoʻplab, gapirdi. — Oybek, Tanlangan asarlar

expansionist policy

ruschaограбление (с применением насилия), грабёж, разбойinglizchaaggressive robbery

policy of expansion (expansionism), expansionist policy