1. Biror ishda, sohada kim oʻzdi, kim oʻzar musobaqasi.
Basma-basda yutgan er Yoʻliga gul sochaylik! — K. Yashin, M. Rahmon, Sirdaryo
2. rvsh. Bas bogʻlashganday, bir-biridan oʻzishga harakat qilganday, qolishmay.
Meli polvon va Yusvali otaga oʻxshash baʼzi bir aktivlar oʻzlarini tutolmay, ular [Olaxoʻja va Turdivoy xalfa] bilan basma-bas soʻkishdilar. — P. Tursun, Oʻqituvchi
Oʻrtogʻim bilan birga Ketmon chopdik basma-bas. — Qoʻshiqlar
3. Toʻxtovsiz, qayta-qayta.
Oʻrtogʻini hayqirib basma-bas chaqirdi. — Gʻ. Gʻulom, Shum bola
4. koʻchma s.t. Munosib, yarashiq, mos.
Atlas koʻylak basma-bas, shoyi koʻylak rangi past. — Oq olma, qizil olma.