Поиск

ot s.t. esk. ayn. Bank 1.

Baxtima boʻlganda otam, ham onam, Bankaning pullari kissamda mening. — Qoʻshiqlar

ot 1. Orqasiga ogʻir metall parchasi, tanga, chaqa va shu kabilar yopishtirilgan uzun-uzun junli teri parchasidan iborat, tepib oʻynaladigan bolalar oʻyini.

Lanka yasamoq.

2. Shu oʻyinning oʻzi.

Lanka oʻynamoq. Lanka tepmoq.

ot s.t. ayn. Blank.

ot 1. Bosmaxonada terilib, hali sahifalanmagan matnlar ustuni va uning xatolarni tuzatish uchun qogʻozga tushirilgan nusxasi.

Karimiy boshini bir qimirlatib qoʻydi-da, grankani tuzatishda davom etdi. — O. Yoqubov, Bir felyeton qissasi

2. Terilgan matnni sahifalashga qadar saqlab qoʻyish uchun ishlatiladigan ramka, taxtakach.

Granka sochilib ketdi.

ot Bir butun bulka non.

Polvon har yoqqa yugurib, bir buxanka non topa oldi. — Oybek, Quyosh qoraymas

Nusratbek magazindan yarim buxanka non, shakar, sariyogʻ olib, kulbasiga qaytdi. — S. Nurov, Maysalarni ayoz urmaydi

ot 1. Oftob nuridan toʻsilgan joy; soya.

Abduvahob ayvondagi koʻlankaga oʻtirdi, oʻgʻilchasini tizzasiga olib, peshonasidan oʻpdi. — Sh. Toshmatov, Erk qushi

Mashina teraklarning quyuq koʻlankasi ostida uchib borarkan, Qudratning doʻstlari koʻm-koʻk va boʻliq paxtazor dalalarni unga koʻrsatib, faxrlanar edilar. — Z. Fatxullin, Soʻnmas yulduz

2. Kishi va narsalarning yorugʻlikka qarama-qarshi tomonga tushadigan soyasi.

Aravani ot tortar, koʻlankasini it tortar. — Maqol

Olis-olislarda yigitlarning koʻlankalari koʻrinadi. — Oʻzbekiston qoʻriqlari

Roʻparadagi uyda chiroq yondi. Darparda orqasida tebranib turgan koʻlanka toʻxtadi. — Gazetadan

Qaragʻaylarning koʻlankasi tungi sokin havoda qimir etmay turardi. — M. Muhamedov, Qahramon izidan

3. Uzoqda, qorongʻilikda, tumanda gʻira-shira koʻringan narsa; qora, sharpa.

Koʻngli aldamagan ekan: uzoqdan allaqanday koʻlanka qorayib koʻrindi. — X. Sultonov, Onamning yurti

Bashorat yaqin bordi, koʻlanka yana qimirladi. — A. Muxtor, Opa-singillar

4. koʻchma Biror ichki ruhiy holatning (masalan, tashvish, gʻam, azob) ifodasi, aksi.

Sheʼriyat boshiga zulmat koʻlankasi tushdi. Zulfiya, Xayollar, tuygʻular.

uning [Madrayimning] nuroniy chehrasini, xuddi quyoshni bulut bosganidek, qaygʻu-alam koʻlankasi chulgʻab oldi. — Mushtum

Iqbol xola uning chehrasidagi alam koʻlankasini ilgʻamadi. — Oʻ. Hoshimov, Qalbingga quloq sol

5. koʻchma (3-sh. egalik va oʻ.-p. k. shaklida) Biror kimsaning himoyasi; panoh, homiylik.

Birovning koʻlankasida yashamoq.

— Qalay, Homidbek, yurtlaringiz tinchlikmi? — Xudoga shukur, davlatlari koʻlankasida. — A. Qodiriy, Oʻtgan kunlar

6. kam qoʻll. Narsalarning boshlangʻich shakli, hali toʻla shakllanmagan umumiy koʻrinishi.

Chigit ekish boshlanguncha, yangi qishloqning koʻlankasi koʻrinib qoldi: hali ochilmagan koʻchalarning ikki yuziga sakson besh mingdan ortiq koʻchat oʻtqazildi. — A. Qahhor, Qoʻshchinor chiroqlari