Поиск

ot 1. Boshoqdoshlarga mansub, suvda, botqoqlikda, toʻqayzorda oʻsadigan, boʻgʻim-boʻgʻim uzun poyali oʻsimlik; shu oʻsimlikning oʻrilgan poyasi va uning choʻpi.

Qamish oʻrmoq. Qamishdan boʻyra toʻqimoq.

Ular qamishlarni shaldiratib, suvga yaqin kelganlarida, oʻzlari ham balchiqqa botib keta boshlashdi. — P. Qodirov, Yulduzli tunlar

Uch tomoni qamish bilan oʻralgan hovliga avval Sidiqjon kirgan edi. — A. Qahhor, Qoʻshchinor chiroqlari

2. Shu oʻsimlik poyasi bilan oʻralgan, yopilgan; shundan yasalgan.

Qamish devor. Qamish tom. Qamish pay.

Keyin bir parcha qogʻoz olib, qamish qalamni qitirlatib yoza boshladi. — M. Ismoiliy, Fargʻona tong otguncha

esk. ayn. Bamisoli.

Agar mazkur sheʼr bamisli bir qush boʻlsa, bu bayt uning toji-ku, mavlono! — S. Siyoyev, Avaz

Qiz emas, bamisli olov! — O. Yoqubov, Izlayman

ot Kishilar munosabatiga, uning holatiga raxna soluvchi; gʻiybat, fitna yurituvchi.

Birovning koʻkarganini koʻra olmaydigan gʻalamisga oʻxshaydi. — S. Nurov, Narvon

Biroq Shayx aka bunday gʻalamislardan ustun keldi, u yana qizgʻin ijodiy faoliyatga shoʻngʻib ketdi. — Fan va turmush

Biroq respublikamizda ham, uning tashqarisida ham xalqimizni kamsituvchi, hatto, oʻzbeklar ishi, deb ayyuhannos soluvchi gʻalamislar ham uchrab qoldi. — Mushtum

Hamma vaqt, doimo.

Non haqida gap borganda, hamisha koʻz oʻngimda yoshligimda eshitgan bir voqea gavdalanadi. — Gazetadan

Singlisi boʻlsa, birov bilan betma-bet kelib soʻzlashganida ham, koʻzini hamisha bir nuqtadan uzmas edi. — A. Qodiriy, Oʻtgan kunlar

Xuddi, goʻyo (goʻyoki), kabi, yangligʻ; oʻxshatish, qiyos maʼnosini ifodalaydi.

Bilim yaxshi narsa, qizim. Bamisoli chiroq: yoʻlingni yoritadi. — H. Gʻulom, Feruza

Aql va madaniyat, haq va adolat bamisoli oftob: uni toʻsish va yoʻqotish mumkin emas. — A. Hakimov, Ilon izidan

ot Qamish plita.