Поиск

ot 1. Baʼzi organ, tashkilot, idora, jamiyat va shu kabilarning boshligʻi, rahbari.

Ashurxon, raisning bevaqt kelishidan choʻchiganidanmi yo oʻzining gunohkorligini bilganidanmi, avval bir oz oʻzini yoʻqotgan boʻlsa ham, darrov oʻnglab oldi. S. — Zunnunova, Olov

Mahalliy komitet raisi topshiriqlarni oʻz vaqtida bajarish uchun qanchadan-qancha vaqt ketishini oʻylagan edi. — Gazetadan

2. Majlisni boshqaruvchi shaxs.

Majlis raisi.

Nutq davomida rais majlis ahlini ikki marta tartibga chaqirdi. — A. Qahhor, Nutq

3. tar. Diniy marosim va urf-odatlarning bajarilishini kuzatib boruvchi, shuningdek, oʻlchov va tosh-tarozilarning toʻgʻriligini tekshiruvchi mansabdor shaxs.

Aqlim olgan zargar qizi, Muftiy, aʼlam, rais, qozi, Tengdoshlarim, xush qol endi! — Bahrom va Gulandom

Oʻqi! Har qanday qiyinchilik bilan boʻlsa-da, oʻqi! Lekin qozi boʻlma! Rais boʻlma! Imom boʻlma!Agar mudarris boʻlsang, mayli. — S. Ayniy, Esdaliklar

ot 1. Rais ayol.

Kolxoz raisasi.

2. Raisa (xotin-qizlar ismi).

Kutaisi

ot 1. Kundalik tirikchilik, yashash.

[ Boy:] Mendan qolgan davlat sizlarning maishatingiz uchun kifoya qilmaydi. — Ertaklar

Otam oʻlib, maishatim tanglikda qoldi. — Gʻ. Gʻulom, Tirilgan murda

2. s. t. Kayf-safo, aysh-ishrat.

Hoji-xonni aysh-ishratlar, shohona maishatlar charchatdi. — M. Ismoiliy, Fargʻona tong otguncha

Halol mehnat bilan qilgan maishat noravo boʻlmas. — Habibiy

sft. Maishatga, tirikchilikka oid.

Maishiy xizmat. Maishiy sharoit.

Chunki oila tushunchasi maishiy hayotning barcha qirralarini toʻla qamrab ololmaydi. — OʻTA

ot Rahbarlik, boshliqlik; bosh-qaruvchilik ishi.

Men mahallamizning qulubiga kirib kelganimda, orada qizgʻin bir muzokara davom etib, majlisning raislik lavozimatini muhtaram Toshpoʻlat aka ado qilar edi. — A. Qodiriy, Kichik asarlar

Oladigani raislik boʻlsa — olsin. — O. Yoqubov, Er boshiga ish tushsa

Yer islohoti oʻtkazilish oldidan qishloq kambagʻallar uyushmasi tuziladi va uyushmaning raisligiga Berdiboy saylanadi. — A. Qodiriy, Obid ketmon