Qidiruv

yukl. Shart ergash gaplarning boshida kelib, -sa, -sa ham, -ganda va sh. k. shart affikslari yordamida ifodalangan maʼnoni kuchaytiradi, taʼkidlaydi.

Agar u kelgan boʻlsa, oʻzini bildirgan boʻlar edi. — Oybek, Tanlangan asarlar

Agar shu kolxozlar ham bosh qoʻshadigan boʻlsa, damba yigirma-yigirma besh kunlik ish. — A. Qahhor, Qoʻshchinor chiroqlari

Agar uning [qutidorning] yonida usta Olim boʻlmaganda edi, ehtimol, u qay vaqtlargacha serrayib qolar edi. — A. Qodiriy, Oʻtgan kunlar

ot Kaltakesak turi.

ayn. Agar.

ot 1. Baʼzi organizmlarning jinssiz koʻpayish qobiliyati.

2. Jamoa aʼzolari orasida har qanday jinsiy yaqinlik yoʻqligi yoki man qilinganligi holati.

fl. 1. Yotgan holda u yoni, bu yoniga agʻdarilmoq, yumalamoq.

Ot agʻanagan joyda yungi qoladi. — Maqol

Har kun shomdan tortib azongacha yotgan joyida u yoq-bu yoqqa agʻanab, oʻy oʻylaydi. — Choʻlpon, Kecha va kunduz

Qoʻchqor ustma-ust ikki doʻppi suv ichib, oʻzini ajriqqa otdi, xuddi yosh boladay agʻanab oʻynarkan, xushnud qichqirdi.. — O. Yoqubov, Er boshiga ish tushsa

2. Qulamoq, agʻdarilmoq.

Arava agʻanadi. Mashina agʻanadi. Nodira turgan joyidan divanga agʻanab tushdi.

ot Ayollarda tugʻishdan keyin sut kelmaslik kasalligi.