ot 1. Yorugʻlik manbaidan taralgan va ingichka tola koʻrinishida tasavvur etiladigan ziyo, yogʻdu.
Quyosh nuri. Oy xira nur sochmoqda.
2. fiz. Musbat yoki manfiy zarralar, elektromagnit tebranishlar oqimi.
Rentgen nurlari. Katod nurlari.
3. Umuman, yorugʻlik, ziyo; yorugʻlik energiyasi.
Elektr nuri.
Baliq tirik suv bilan, Giyoh yashar nur bilan, Dengiz ravshan dur bilan, Inson erkin u bilan. — Q. Muhammadiy
4. koʻchma Haqiqat, baxt-saodat, erkinlik, maʼrifat ramzi.
Bilim nuri.
Koʻcha jangi boshlangandi. Zulmat bilan nur toʻqnashgan, hayot-mamot urushi bormoqda. — Sh. Toshmatov, Erk qushi
5. Nur (erkaklar ismi).
- Nur kasalligi (yoki kasali) Radioaktiv nurlarning organizmga taʼsir etishidan yuzaga keladigan kasallik. Chernobil avariyasini bartaraf etishda ishtirok etgan koʻpchilik vatandoshlarimiz nur kasalligiga chalinmasliklari uchun profilaktika ishlari amalga oshirildi. — GazetadanNatijada yaponlarning bir qismi nur kasaliga mubtalo boʻlib qolgan. — H. Hasanov, Ekvatordan oʻtganda
- Koʻz nuri Ardoqli, koʻz qorachigʻiday aziz kishi (asosan farzand haqida). U [ona] Gul-nor kabi sevikli qizini, koʻz nurini olovga otib, yana uning baxt va saodati toʻgʻrisida nasihat qilishi kerak. — Oybek, Tanlangan asarlar
- Koʻz nurini toʻkib Uzoq, vaqt koʻz uzmay, kuchini ayamay, qunt bilan. Koʻz nurini toʻkib ishlamoq.
- Nuralo (yoki ustiga) nur Yana ham yaxshi, koʻngildagidan ham aʼlo. Ixtiyor oʻzingizda, qutlayman desangiz aytib koʻring, xoʻp desa — nur alo nur. — M. Ismoiliy, Fargʻona tong otguncha
- Nuri diyda