Qidiruv

ot 1. esk. Baʼzi muassasa, tashkilot va shu kabilarda rahbarlik ishini olib borish maqsadida saylanadigan yoki taʼsis etiladigan kollegial organ; shu organ oʻtkazadigan majlis.

Byuro aʼzolari.

Omonov xonadan chiqib ketgach, Murodov byuro aʼzolariga murojaat qildi. — Mushtum

Qodirjon, batafsil soʻzlab, byuroda juda bahodirlik koʻrsatibsiz. — Uygʻun, Asarlar

Byuroda unga juda koʻp savollar berishdi — G. Nurullayeva, Yurak yonmogʻi kerak

2. Baʼzi bir muassasa, tashkilot yoki ulardagi boʻlimlar nomi.

Maʼlumotnomalar byurosi. Mashina byurosi. Konstruktorlik byurosi.

Normativlar byurosiga mashina-sozlikda texnik normalashga doir injenerlar va texniklar kerak. — Gazetadan

Rahim aka mashina byurosiga kirdi, koʻp oʻtmay, qoʻlida bir dasta qogʻoz bilan qaytib chiqdi. — F. Musajonov, Himmat

U bir necha yildan beri Toshkent sayohat va ekskursiyalar byurosida mehnat qilmoqda. — Gazetadan

ot Odam gavdasining koʻkragidan yoki belidan yuqori qismi tasvirlangan haykal.

Qahramonning bronza byusti.

Xona oʻrtasiga shoirning byusti qoʻyilgan. — F. Husayinova, Qoʻqon adabiyot muzeyida

Qumri institut bogʻidagi professor byusti yoniga qoʻyilgan skameykada kitob oʻqib oʻtirishni yaxshi koʻradi. — Mirmuhsin, Hikoyalar va qissalar

ot 1. iqt. Muayyan vaqt (yil, chorak) uchun ishlab chiqilgan, meʼyorlashtirilgan va qonuniy tarzda tasdiqlangan daromadlar va xarajatlar yigʻindisi.

Byudjet yili. Byudjet tizimi. Davlat byudjeti. Harbiy byudjet.

2. Shaxsiy kirim-chiqim majmui.

Oʻqish davrida mening oylik byudjetim uch ming soʻmdan oshmas edi.

Toʻgʻri, oilada oilaviy byudjetni boshqaradigan bir kishi boʻlishi kerak. — Gazetadan

ot 1. Biror muassasaning vaqt-vaqti bilan chiqarib turiladigan bosma nashri nomi; axborotnoma.

Oliy attestatsiya komissiyasining byulleteni.

Akademiyaning axborot va byulletenlarida oʻzbek dialektologiyasiga oid 15 dan ortiq ilmiy maqola eʼlon qilindi. — OʻTA

Tokcha-tokcha eski-yangi ustavlar, lugʻatlar, byulletenlar, gazeta va ajnabiy jurnallar ham bor. — A. Muxtor, Davr mening taqdirimda

2. Ijtimoiy ahamiyatga ega boʻlgan biror muhim voqeaning borishi haqida eʼlon qilib turiladigan axborot.

Valyutalar kursi haqidagi byulleten.

3. Maʼlum shakldagi saylov (ovoz berish) varaqasi.

Saylov byulleteni. Byulletenni saylov qutisiga tashlamoq.

4. s. t. Kasallik tufayli ishchi yoki xizmatchining mehnatga vaqtincha yaroqsizligi haqida tibbiyot muassasalari tomonidan beriladigan hujjat; kasallik varaqasi.

Byulleten olmoq. Byulleten boʻyicha pul toʻlamoq.

Maxsus komissiya N. Shodiyevaning shikoyatini tekshirganda, u haq boʻlib chiqdi va dekret byulleteniga haq toʻlanadigan boʻldi. — Mushtum

— Oradan ikki hafta oʻtkazib, xabar olgani borsam, Xoʻjaxonovning qoʻliga igna kirib, byulletenga chiqib ketgan ekan, — dedi Oʻtbosar. — Gʻayratiy, Epchil kuyov

ot Oʻz vazifasiga rasmiyatchilik bilan qarovchi, rasmiyatchi, toʻra.

insonning qimmatli vaqtini oʻgʻirlovchi, sansalorchi, byurokratlarga, olovni oʻzgalar qoʻli bilan ushlovchilarga nega chora koʻrilmaydi? — Mushtum

byurokrat vaʼdani beradi-yu, oʻsha odamni tamoman unutib yuboradi. — Yu. Shomansur, Qora marvarid

sft. Byurokratlarga va ularning ish uslubiga oid, rasmiyatchilarga xos boʻlgan.