Қидирув

«чан» бўйича 95 та натижа: Ўзбекчадан

Филтр

Луғат тури

Изоҳли Таржима Терминологик Фразеологик

Тилдан

Ўзбекча Русча Инглизча Франсузча Туркча

Тилга

Русча Инглизча Қорақалпоқча Немисча Франсузча Арабча Туркча

Луғат мақолалари

95 та

чана

Изоҳли луғат · яна 4 та луғатда

от Қишда қор, муз қоплаган ёʻлда сирпаниб юрадиган чанғили аравача.

Чанада учмоқ. Чана спорти.

девор тагидаги тепаликда болакайлар чанада учишарди. — Ў. Ҳошимов, Қалбингга қулоқ сол

Тўлиқ мақола →

чанг

Изоҳли луғат · яна 6 та луғатда

от 1. Майда зарра, кукун ҳолидаги тупроқ ёки бошқа моддалар; гард, тўзон.

Ёлғиз отнинг чанги чиқмас, чанги чиқса ҳам, донғи чиқмас. — Мақол

Подадан олдин чанг чиқарма. — Мақол

Шоён меҳнатингнинг нишонаси бу — Қора қошларингга қўнган чанг, ғубор. — А. Орипов

Тўхта хола юз-кўзига кўча чанги ёпишаётганини ҳам пайқамас эди. — И. Раҳим, Чин муҳаббат

2. сфт. Чанг қўнган; ғуборли.

[Заргаров] Хона ўртасида сал букчайганича туриб, чанг этиги билан оғир одимлаб чиқиб кетган қурувчининг бесўнақай гавдасини ҳорғин кузатиб қолди. — А. Мухтор, Бўронларда бордек ҳаловат

Арава чанг қишлоқ ёʻлидан чиқиб, катта тош ёʻлга тушиб олди. — И. Раҳим, Чин муҳаббат

3. бот. Ўсимликларнинг эркак жинсий ҳужайралари.

Ашир Ҳаққулов заргарларга хос диққат билан бир гулнинг чангини мўйчинак билан олиб, иккинчи бир гулни чанглаётган экан. — С. Нуров, Нарвой

Чанг босмоқ Қалин чанг билан қопланмоқ (узоқ вақт ишлатилмай ётган нарса ҳақида). Телвизор, приёмникни чанг босиб ётарди. — Т. Ашуров, Оқ от
Чанг кўтармоқ (ёки чиқармоқ) Бекорга ғалва ёки шов-шув кўтармоқ.
Чанг қўндирмаслик (ёки юқтирмаслик) 1. Гард, доғ тегизмаслик, озода тутиш. У кийимига чанг қўндирмайди;Ҳакимбойвачча илондай тўлғанди у ўзининг ва оила аъзоларининг устига чанг қўндиришни истамас, оиласи билан ҳеч қандай оилани тенглаштирмас эди. — Ойбек, Танланган асарлар
Чангини чиқармоқ 1. Тез тамом қилмоқ; пок-покиза туширмоқ, еб юбормоқ, еб ташламоқ. Боқижон бутун гавдаси билан лаганга ташланди. Ота ва ўғил, гўё баҳслашгандай, паловнинг чангини чиқаришди. — Ойбек, Олтин водийдан шабадалар
Ҳасратидан чанг чиқади Ҳасрати кўп, ҳасрати сира тугамайди. Махсум Қўчқорнинг мусулмони комил бандаларга кўп озор бераётганини гапириб, ҳасратидан чанг чиқди. — С. Анорбоев, Оқсой

Тўлиқ мақола →

чанғи

Изоҳли луғат · яна 3 та луғатда

от Қорли жойлар, ботқоқ ерлар ва сув юзида таянч майдонни кенгайтириб, силжишни осонлаштирувчи, оёқларга маҳкамланувчи мослама.

Сув чанғиси. Туристлар чанғиси.

Ҳозир чанғиларнинг одимловчи ва сирғалувчи турлари мавжуд. — Ўзме

Чанғи спорти Сакраш, турли масофага югуриш, тоғ чанғиси ва биатлонни ўз ичига олган спорт тури. 1910 йилда Халқаро чанғи спорти комиссияси тузилди ва чанғи спортининг қоидалари тасдиқланди. — Ўзме

Тўлиқ мақола →

чаноқ

Изоҳли луғат · яна 3 та луғатда

от 1. Кўсакнинг ҳар бир хонаси.

Ғўзалар бўлиқ, ҳар битта чаноқ пиёладек бўлиб очилиб турибди. — С. Сиёев, Отлиқ аёл

2. Бош косаси, кўз косаси ва умуман косачасимон суяклар.

Чаноқ суяги.

У [Баширжон] эшигига калла чаноғи ҳамда илик суяги туширилган темир уйча панасига ўтди. — Н. Аминов, Қаҳқаҳа

Унинг [Аҳмад-охуннинг] кўз соққалари чаноғидан чиқаёзганди. — К. Яшин, Ҳамза

3. Тегирмоннинг дўлидан дон тушиб турадиган тарновсимон қисми.

4. шв. Чиғаноқ.

Тўлиқ мақола →

чандиқ

Изоҳли луғат · яна 3 та луғатда

от 1. Битган яранинг ўрни, изи.

Ошнонинг Ранги баттар заҳил тортибди, ёноғидаги чандиқ билинмай кетибди — устидан чуқур бир ажин тушибди. — М. М. Дўст, Лолазор

2. сфт. Чандиқли, чандиғи бор.

Қаландар чандиқ пешонасини силаб, унга бир зум ти-килиб қолди. — О. Ёқубов, Кўҳна дунё

Тўлиқ мақола →

чандир

Изоҳли луғат · яна 3 та луғатда

от 1. Гўштнинг қаттиқ пай қисми.

Гўшт ўрнида чандир чайнашга кимнинг то-қати бор дейсиз. — Газетадан

2. кўчма Қотма, пишиқ, чайир.

Чандир одам.

Бир-икки чайқалиб, гул пайкали устига узаласига йиқилиб тушди. Чандир қўллари тупроқни чангаллади. — Муштум

Тўлиқ мақола →

Ҳаммасини кўриш · 95 →