Поиск

taʼmin qilmoq (yoki etmoq) 1) kerakli narsalarni yetkazib bermoq, taʼminlamoq. 2) biror narsaning amalga oshishi, roʻyobga chiqishi, muhayyo boʻlishi uchun zarur sharoit yaratmoq. 3) qoniqtirmoq, qanoatlantirmoq; kifoya qilmoq, yetarli boʻlmoq

Kerakli mahsulotlar bilan taʼmin etmoq

Otam uchun ikki kishini shaharga yuborib, moddiy jihatdan taʼmin qilish ogʻirlik qilardi — S. Ayniy, Esdaliklar

Muvaffaqiyatni taʼmin qilmoq

Hamrohlarim oʻz tanki bilan dushman zotini abjaq qilgan va gʻalabani taʼmin etgan — N. Safarov, Olovli izlar

Buning sababini soʻzlashdan ilgari imom afandining oʻtgan tarixiga bir oz koʻz tashlab olishga majburmiz. Chunki busiz oʻquvchimizni taʼmin qilish mumkin emasdir — A. Qodiriy, Mehrobdan chayon

ot 1. 1 Kishi kuchi va ixtiyori bilan inshoot, bino, joy va shu kabilarni qurish, yangidan yaratish.

Tabiat turfa tuzmish tarh-u taʼmir Qilib bogʻ-u chaman shaklida tasvir. — Habibiy

[Xudoyorxon] 1288 (hijriy) yilda Qoʻqonning begi qalandarxonasini buzib, yangidan taʼmir qildi. — A. Qodiriy, Mehrobdan chayon

2. Biron narsa, obyektni buzilgan, singan, yirtilgan joylarini tuzatish, yaxshilash va shu yoʻl bilan yaroqli holga keltirish.

Hamma hasharchilar orolga oʻtib olganlaridan keyin, taʼmir ishi jadallab ketdi. — M. Osim, Temur Malik

ot Oʻz biligi, aqli, farosati bilan tegishlicha ish tutish qobiliyati; fahm, farosat.

Tamizi yoʻq odam.

— Tamizi boʻlsa, oʻshaning oʻzi kaltak, — dedi-da, birpas quloq berib oʻtirdi. — R. Fayziy, Hazrati inson

Bu fakt va dalillar oldida oʻjarlik qilish aql va tamizdan emas. — A. Hakimov, Ilon izidan

ot 1. Kerakli narsalarni muhayyo qilib yetkazib berish; yashash, ishlash uchun zarur narsalarga boʻlgan ehtiyojni qondirish.

Ijtimoiy taʼminot. Davlat taʼminoti. Taʼminot boʻlimi.

Taʼminot ham toʻla yoʻlga qoʻyilmagan: gohi yoqilgʻi yetkazib berilmaydi — Oʻzbekiston qoʻriqlari

2. Yashash, ishlash uchun kerakli pul, oziq-ovqat, kiyim-kechak kabi narsalar majmui.

lashkar taʼminotini ziyoratchilarning nazr-niyozlariga yuklaganlar. — K. Yashin, Hamza

3. koʻchma kam qoʻll. Maʼnaviy ozuqa; dalda; umid.

Otasining bu soʻzlari uning [Otabekning] istiqboli uchun yaxshi taʼminotlar berar. — A. Qodiriy, Oʻtgan kunlar

sft. Oʻz biligi, aqli, farosati bilan tegishlicha ish tutuvchi; fahmli, farosatli.

Tamizli bola,

Dali hech kim koʻrmagan boʻlsa ham, Muxtorxon domla yoqtirgani uchun, juda aqlli, tamizli ayol chiqishi muqarrar boʻlgan kelinni hamma gʻoyibona yaxshi koʻrib qoldi. — A. Qahhor, Toʻyda aza