Qidiruv

Dasturlashning hozirgi kunda eng ommaviy uslubiyati. U obyektlar, yaʼni standart bloklardan, tashkil topgan amaliy dasturlarni yaratishga yoʻnaltirilgan. Strukturali dasturlashning rivojlanishidir. OOP ning markaziy gʻoyasi inkapsulyatsiyadir, yaʼni, dasturni alohida shakldagi, maʼlumotlarni va ularni ishlov beruvchi tartibotlari bilan birlashtirgan holda modullarga (klasslarga) tuzilmalashtir. Har bir shunday klass, amalga oshirish (yoki ifodalash) deb ataluvchi ichki qismga va interfeys deb ataluvchi tashqi qismga ega. Amalga oshirishdan faqat interfeys orqali foydalanish mumkin. Odatda, interfeysda xossalarni (sintaksisda oʻzgaruvchidek koʻrinadi) va usullarni (sintaksisda tartibot yoki funksiyadek koʻrinadi) ajratadilar. Klass usul-konstruktorlarga va dasturni bajarilish vaqtida klasslarning nusxalarini yaratish va yoʻq qilishga imkon beradigan destruktorlarga ega boʻlishi mumkin. Bir klassning nusxalari, oʻzaro oʻxshash (masalan, klassning usulini meros olgan), ammo farqlanadi ham (masalan, xossalari turli qiymatga ega). Klasslarni va klass nusxalarini obyektlar deb ataladi, “obyektga yoʻnaltirilgan dasturlash” nomi ham shundan kelib chiqqan.inglizchaobject-oriented programming (OOP)ruschaобъектно-ориентированное программирование