Қидирув

от 1. Ювиниш ёки даволаниш учун сувни майда тешиклардан ёмғирдай ёғдириб берадиган қурилма.

Душ остида ювинмоқ. Врач унга ўн душ буюрди.

Жимжитлик Фақат у ер-бу ерда ишлаб турган душларнинг шовуллаши эшитилади. — М. Хайруллаев, Тилла маржон

2. Шундай қурилма ўрнатилган хона.

Душга кирмоқ.

У душга тушиб, ювиниб чиқди-да, устидаги кийимларини ўзгартирди. — Ойдин, Ҳикоялар

от 1. Дунёқараши, манфаатлари, хатти-ҳаракати бир-бирига қарама-қарши бўлган, ўзаро ғаним, рақиб сифатидаги томонларнинг ҳар бири.

Ғоявий душман. Дўст ачитиб гапиради, душман — кулдириб. — Мақол

Тикан заҳри учида, душман заҳри ичида. — Мақол

Душманнинг катта-кичиги бўлмайди. — Мақол

Булар [Шарқ мутафаккирлари] зулм-зулмат, адолацизлик, жаҳолат, хурофотнинг ашаддий душмани эдилар. — К. Яшин, Ҳамза

2. ҳарб. Урушда ўзаро бири иккинчиси билан жанг қилувчи, бир-бирига қарши уруш эълон қилган томонлардан ҳар бири; ёв.

Душман билан бўладиган жангларда қўрқоқлик қилманглар. — Ҳадисдан

Полк мудофаа қилиб ётган раён устида душманнинг неча юзлаб самолёти беҳисоб бомба ёғдирди. — А. Қаҳҳор, Олтин юлдуз

3. кўчма Инсонга ва умуман бирор нарсага зарар келтирувчи кимса, нарса, ҳодиса.

Ёввойи ўт — ҳосилнинг душмани. Жаҳл — душман, ақл дўст. — Мақол

Сўнгги пушаймон — ўзингга душман. — Мақол

Отабек ичкиликдан қаттиқ ҳазар қилар ва бу кунгача майни ўзига душман каби кўриб келар эди. — А. Қодирий, Ўтган кунлар

тушкунлик — энг ёмон душман. — Ф. Мусажонов, Ҳиммат

сфт. Қийин, мушкул, оғир.

Душвор иш.

Сиз жуда баландда, мен қуйидаман, Ҳа, сизни севмаслик душвор, бибижон. — Миртемир, Асарлар

Ҳижрон, ҳижрон оғирдир зилдай, Висол, висол тотли ва душвор. — Х. Салоҳ, Излар ва ҳислар

от Ҳафтанинг биринчи куни, якшанбадан кейинги, сешанбадан олдинги кун.

[Отабек] Душанба куни кечаси бир эмас, уч душман билан кураш тўғрисидагина ўйлар эди. — А. Қодирий, Ўтган кунлар

Водил — қадимдан бозор қишлоқ. Бу ерда ҳар душанба куни ниҳоятда гавжум, тирбанд бозор бўлади. — К. Яшин, Ҳамза

от Душ ўрнатилган хона.

Душхона қурмоқ.

Ҳамма дала шийпонларида душхоналар бор. — Газетадан

от 1. Бирор кимсага ёв, ғаним, мухолиф бўлишлик; бировга ёмонлик қилишлик; кўролмаслик.

Нури бу оилага тушгач, уч кун ўтар-ўтмас, икки қайнана — кундошлар орасидаги душманликни сезди. — Ойбек, Танланган асарлар

2. Душманларча иш, хатти-ҳаракат.

Душманлик кўрсатмоқ. Душманлик қилмоқ.

Душман душманлигини қилар экан. — Ш. Холмирзаев, Сўнмас ўт